Монголын загвар өмсөгчдөөс анхлан дэлхийн загварын томоохон хотууд болох Нью-Йорк, Парис, Миланы загварын шоуны тайзнаа алхах үүдийг нээсэн загвар өмсөгч бол Ж.Энэрэл.
Түүнийг “Яг түүн шиг 2” шоуны авьяаслаг оролцогч гэдгээр нь хүмүүс илүү таних болсон билээ. Авьяаслаг загвар өмсөгч бүсгүй 14 настайдаа Монголын загварын ертөнцөд хөл тавьснаас хойш чамгүй амжилт гаргаж, үндэсний хэмжээний брэндүүдийн нүүр царайгаар ажиллах болсон.
Өдгөө 25 настай түүний хувийн амьдрал хувьд нэлээд тогтворгүй байсан гэхэд болно. Анх загвар өмсөгч Амгаланбаатартай үерхэж байсан ч тэд ураг төрлийн хамаатнууд гэдгээ хожим нь мэдэж хоёр тийш болсон гэдэг.
Харин үүний дараа дуучин Б.Чойжоотой нэг гэрт орж Ч.Саруулсан гэх хөөрхөн хүүгээ төрүүлсэн. Гэвч тэдний амьдрал мөн л хоёр тийш болсон. Жил гаруй хугацаанд ганц бие амьдралаар амьдарч байсан залуу бүсгүй Ж.Энэрэл сагсан бөмбөгчин залуутай болзоод гурван жил болж байна.
