2007 оны “Мисс Монголия” тэмцээний Мисс авьяас өргөмжлөлт Б.Ганболор өдгөө гуравдахь амьдралаа зохиосон гэдэг.
Тэрээр өчигдөр бага хүүхдийнхээ үсний даахь үргээх найрыг шинээр нээгдсэн “Алтангадас” ресторанд ёслол төгөлдөр тэмдэглэжээ. Найрны арга хэмжээ муухан хуримнаас илүү байсан гэнэ.
Мисс Б.Ганболорын хувьд оюутны ширээнээс салаагүй байхдаа анхны ханьтайгаа үерхэж ханилсан гэдэг. Одоогоос хэдэн жилийн өмнө “Үнэн үү” ток шоуг хөтөлж олонд танигдсан хөтлөгч Р.Нямбаяртай дэр нэгтгэж олны хэл амны бай болж байв. Учир нь тэдний дурлал Р.Нямбаярыг эхнэр хоёр хүүхдээ орхиход хүргэсэн бол Б.Ганболор ч мөн адил анхны нөхрөөсөө салж Р.Нямбаярыг сонгож байсан гэдэг. Ийм их золиос гаргасан тэдний хайр сэтгэл ч удаан наслаагүй нь даанч харамсалтай. Хосууд өдгөө тус тусдаа өөр өөрсдийн амьдралын жамаар явж байгаа юм.
Харин мисс бүсгүй маань дахин гэрлэж, эмч залууг насны ханиараа сонгосон гэх мэдээлэл байна.
