Хэдхэн хоногийн дараа хичээлийн шинэ жилийн нээлт болно. Үүнтэй холбоотойгоор дэлгүүр хоршоо олон нийтийн газраар хүүхдээ дагуулсан аав ээжүүд хотоор нэг холих аж.
Тэдний дунд олны танил хүмүүс болох реппэр Gee, дуучин Заяагийнх мэт. Тэд өөр өөрсдийн цахим хуудаснаа хүүхдүүдийнхээ хичээлийн хэрэгслийг бэлтгэх гэж яваагаа дуулгасан байна.
Дуучин Заяа хүүхдүүддээ дэлхийд хүүхдийн хувцасны чанар загвараараа дээгүүр жагсдаг Хятадын “Балабала” брэндээс сонголт хийсэн бол, реппэр Gee “Макс малл”-ыг нүүлгэсэн сурагтай.
Дашрамд дуулгахад, комедиан Содоо, реппэр Цэцэ нарын хүүхдүүд хувийн сургуулиудаас хамгийн өндөр төлбөртэй гэгддэг “Орчлон” дунд сургуулийг сонгож хүүхдүүдээ нэгдүгээр ангид өгч байгаа гэсэн шүү.
