“Боолын гэрээ”, “Сайна уу амьдрал минь”, “Эр хүн болгож өгөөч” зэрэг киногоороо олны танил болсон жүжигчин О.Цэнгэлийг үзэгчид андахгүй.
Хөгжилтэй, сэргэлэн, эрч хүчтэй, чадварлаг жүжигчин бүсгүй маань “Universe Best Songs” тэмцээний шилдэг оролцогч Г.Мишээлтэй ханилж, бяцхан охины ээж аав болцгоосон. Тэгвэл эр нөхөртөө анх татагдаж, дурлаж байсан дурсамжаа хуваалцжээ.
Тэрээр “Нэг биш нэлээд хэдэн түүх Мишээл бид хоёрт бий. Бүгд үнэ цэнэтэй бөгөөд нандин. Анхны уулзалтан дээр “намайг турьхан юм байж тийм их иддэг гэж үү” гэж гайхаж байснаа, анх утсаар ярихдаа “эмэгтэй хүн байж эршүүд хоолойтой юм бэ” гээд эргэлзэж байснаа, кинонд урьчихаад “намайг” биш киногоо л үзээд суугаад байдаг байснаа, кино дууссан л бол шууд гэрт хүргэж өгдөг байснаа санаж байна уу. Сонирхдоггүй юм шиг хэрнээ санаа тавиад байхаар чинь сонирхол татаад дахиад л уулзмаар болдогсон. Эргээд санасан чинь гоё санагдчихлаа” гэжээ.
