Хөтлөгч Б.Төгөлдөрийг хөнөөсөн этгээдүүд давж заалдах шатны шүүхэд ханджээ
Монголын Үндэсний Олон Нийтийн Телевизийн “Гэрэлтэй цонх” үдшийн хѳтѳлбѳрийн хѳтлѳгч Б.Тѳгѳлдѳр бусдын гарт амиа алдаад хоёр жил болж байна. Хэргийг эргэн сануулахад, 2018 оны 11 сарын 30-наас 12 сарын 1-нд шилжих шѳнѳ Сүхбаатар дүүргийн 10 хорооны нутаг дэвсгэрт байрлах, “Бид” ББСБ-ын оффисын ажилтан Батзориг, Тод-Эрдэнэ нар нь бүлэглэн Б.Тѳгѳлдѳрийн амь насанд хүрсэн нь мѳрдѳн байцаалтын явцад тогтоогдсон. Улмааруг хэргийг Сүхбаатар дүүргийн прокурорын газраас Эрүүгийн хэргийн тусгай ангийн 10.1 дүгээр зүйл /хүнийг алах/-ийн 2 дах хэсгийн 2.11 /бүлэглэж/-д заасан гэмт хэрэг үйлдсэн гэм буруутайд тооцон яллах дүгнэлт үйлдэж 2019 оны 4 сард Сүхбаатар Дүүргийн Эрүүгийн Хэргийн Анхан Шатны Шүүхэд хүргүүлснээс хойш хэргийг шийдвэрлэх явц эрс удааширч шүүх хурал олон дахин хойшлогдсон байдаг. Ийнхүү 2020 оны 9 сарын 1-нд уг хэргийн анхан шатны шүүх хурал болж Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.11-д зааснаар яллах дүгнэлт үйлдэж ирүүлсэн хэргийг хэрэгсэхгүй болгож тус ангийн 10.1 дүгээр зүйлийн 1 болгон хѳнгѳрүүлэн зүйлчилсэн байдаг. Тэгвэл Тод-Эрдэнэ, Батзориг нарт холбогдох эрүүгийн хэргийн давж заалдах шатны шүүх энэ сарын 10-ны ѳдѳр товлогдоод байна.
Нэмж мэдээлэхэд талийгаач Б.Төгөлдөр нь МУГЗ сэтгүүлч Го.Бадарчийн хүү юм. Тэрээр эхнэр, хоёр хүүхдийн хамт амьдардаг байжээ.
