Сэрэмжлүүлэг: Хилийн цэргийн алба хаагч ажлын байран дээрээ амиа хорложээ
Зургий тайлбар: Говь-Алтай аймаг, Алтай сум. Хилийн цэргийн 0214-р анги
Хилийн цэргийн 0214-р анги Говь-Алтай аймгийн Алтай суманд байрладаг. Уг цэргийн ангийн хөгжмийн дарга удирдаач ажилтай Н.Б гэгч өөрийгөө ажлын байрандаа цэнхэр өнгийн хадгаар боомилон амиа хорлосон байна.
Эх сурвалжийн хэлж байгаагаар талийгаачийг цогцсыг өчигдөр Хилийн цэргийн 0214-р ангийн буудлагын талбайгаас олсон гэх мэдээлэл байна. Тодруулбал, буудлагын хяналтын цэгийн төмөр шатны гишгүүрээс цэнхэр өнгийн хадгаар өөрийгөө боомилсон байдалтай олджээ. Талийгаач нь гэр бүлийн таарамжгүй харьцаатай байсан тул ийнхүү амиа хорлосон гэдгийг эх сурвалж мэдээлэв.
Амь хохирогч нь 30-35 орчим насны эрэгтэй бөгөөд уг хэргийг цагдаагийн байгууллагаас шалгаж байгаа аж.
Амиа хорлох нь асуудлын шийдэл биш бөгөөд мэргэжлийн сэтгэл зүйчид хандахыг мэргэжилтнүүд зөвлөдөг. Тиймээс сэтгэл гутралд орсон үед мэргэжлийн сэтгэл зүйчид хандаж байна уу.
