Ерөнхийлөгч Баттулгын охин Намуун цахим хуудаснаа “ӨНӨӨДӨР ААВЫН МИНЬ ТӨРСӨН ӨДӨР!
Аав минь гурван гурав давхацсан өдөр төрсөн…
Хүмүүс аавыг маань тэргүүлэх бизнесмен, дэлхийн аварга, улс төрч, одоо бол төрийн тэргүүн гээд олон янзаар л хардаг.
Гэхдээ үр хүүхэд бидний хувьд бол хамгаас хайртай дотно аав минь л бөгөөд гэртээ дандаа инээж байгаар нь харсаар өнөөг хүрсэн.
Намайг бага байхад аав минь тун завгүй байдаг байсан. Ихэнх цагийг бид эмээтэйгээ өнгөрүүлнэ. Анх дэлхийн аваргын тэмцээнд яваад, дэлхийн аварга цолыг аваад ирэхдээ өөрийгөө дахин нэг түвшин түлхэх тэмүүлэлтэй болсон гэж аав минь дурсаж байсан.
Шинэ ажил эхлүүлэх болгондоо энэ бол анхных гэдэг үгийг байнга хэлнэ. Ахны такси үйлчилгээ, анхны банкны картын систем, анхны сүпер маркет, анхны гэрэл зургийн конико төв, анхны Чингис хааны морьт хөшөө …гээд Монголдоо анхны зүйл их олон. Аавыг маань хүмүүс хөмсгөө зангидсан “хатуу” хүн байдлаар төсөөлдөг.
Гэхдээ, миний аав миний мэдэх хамгийн хөгжилтэй дотроо зөөлөн сэтгэлтэй өрөвч эр хүн. Бид аавтайгаа байхад үргэлж л инээд ханиад дүүрэн байдаг. Аав маань аливаа юмны хэний ч анзаараагүй тун нарийн өнцгийг олж харж онцолж чаддаг. Магадгүй энэ чанар нь түүний бизнес, улс төрийн цаашдын замналд нөлөөлсөн болов уу гэж би хувьдаа боддог.
Аав маань миний жинхэнэ үлгэр дууриалал. Өөрийн хийж байгаа зүйлдээ үргэлж итгэл дүүрэн байдаг, бас хийхийг хичээсэн зүйлийхээ араас хэзээ ч ухарч буцаж үзээгүй. Гаднаа хатуу мэт ч дотроо зөөлөөн эр хүн, сайн аав.
Тандаа төрсөн өдрийн мэнд дэвшүүлье.
Үргэлж Таны талд…
Надтай адил өөрийн аавтай холбоотой сайхан дурсамжаа бичиж бусадтай хуваалцаарай!
Хайрыг хуваалцах тусам үрждэг гэж би боддог. Хамгийн дотно сайхан түүхээ хүүрнэсэн 9 хүнд Аавынхаа тухай “Миний мэдэх ерөнхийлөгч” номыг бэлэглэе!” хэмээжээ.
