Архангай аймгийн Чулуут суманд кино зураг авах ажлаар энэ сарын 5-нд очсон 15 хүний нэгээс коронавируст халдвар илэрсэн талаар тус аймгийн Онцгой байдлын газраас мэдээллээ.
Тухайн иргэд сумын төвийн 2-3 дэлгүүрээр орж, айлуудаар явсан гэх мэдээлэл байгаа бөгөөд тэднийг Улаанбаатарт авчирч тусгаарлажээ.
Шинжилгээний хариу өчигдөр эерэг гарч батлагдсан бөгөөд Аймгийн онцгой комиссоос хариу арга хэмжээний баг шуурхай хариу арга хэмжээ аван ажиллаж байгаа аж.
Тухайн халдвар авсан иргэн шинжилгээ өгөөд хариугаа авалгүй орон нутаг гарсан байна. Иймд орон нутаг руу явах иргэд шинжилгээний хариугаа аваад замд гарахыг ЭМЯ-наас анхаарууллаа.
