Дуучин Нара буюу Нарантуяа урлагийн салбараасаа түр хөндийрч, хувийн бизнесээ цэцэглүүлж яваа нэгэн.
Нэг хэсэг хүүгийнхээ аавтай хэвлэлээр дайтаж хүүгээ үгүйсгэсэн эцэгтэй нь нэгийгээ үзэж, нэхий дээлээ уралцан байж, эцэстээ эцэг тогтоолгох шинжилгээ хийлгэн Батцацрал гэж залууг ялж, үнэнийг нотолсон байдаг юм.
Тэрбээр цахим хуудаснаа “ Долоон жилийн өмнөх энэ өдөр ийм сайхан хүү төрүүлчихээд баярын нулимс унагаад ээж нь хүүгээ сайн хүн болгож өсгөнөө, сайхан амьдруулнаа гэж дотроо амлаж байлаа.
Хорвоогийн хамгийн баяр баясгалантай аз жаргалтай амар тайван өдөр байж билээ.
Ээж хүү 2-н төрөхийн орон дээр хамт авхуулсан зураг мураг ч байдаггүй юм дөө, зураг манатай ч байж дээ.
Эцсийн эцэст сайн ч муу ч Батцацрал минь байгаагүй бол ийм гайхамшигтай хүүтэй яаж болох билээ, Баярлалаа Батцацрал минь” гэжээ.
Хөөрхөн үрд нь төрсөн өдрийн мэнд хүргэе.
