Хөвсгөл аймгийн Цэцэрлэг суманд Улаанбаатар хотоос ирсэн иргэний түргэвчилсэн оношлуурын хариу эерэг гарсан тул энэ сарын 17-ы өдрийг хүртэл тус сумаас гарах хөдөлгөөнийг түр хориглосон билээ.
Тус иргэнээс 6 дахь хоногт авсан шинжилгээ эерэг гарсан тул гэр бүлийн 2 хүнээс түргэвчилсэн оношлуураар шинжилгээ авахад мөн эерэг гарсан байна.
Мөрөнгөөс мэргэжлийн байгууллагуудын төлөөлөл оролцсон тандалт судалгааны багийг Цэцэрлэг сум руу явуулж, түргэвчилсэн оношлуурын шинжилгээг Мөрөн суманд авч ирж PCR шинжилгээ хийсэн байна.
Хөвсгөл аймгийг нэгдсэн эмнэлэгт хийсэн PCR шинжилгээний хариу эерэг гарлаа.
Орхон аймгийн бүсийн оншилгооны төв рүү явуулсан шинжилгээний хариу хараахан гараагүй байна.
