“Сөрөг” гэсэн шинжилгээний хариуг 80 мянган төгрөгөөр зардаг.
Шадар сайд ЭМЯ дээр ажиллах үеэрээ “Хүний өмнөөс шинжилгээ өгдөг, шинжилгэээ авахдаа иргэдээс мөнгө авдаг, ар өврийн хаалга хэрэглэдэг ноцтой асуудлууд ХӨСҮТ дээр удаа дараа гараад байгаа учраас тандалт судалгааны ажлыг үр дүнгүй болгоод байна” гэсэн юм.
Энэхүү үйл явцтай холбогдуулан ХӨСҮТ-ийн холбогдох албан тушаалтан PCR шинжилгээний хариуг 80 мянган төгрөгөөр үнэлж, “борлуулж” байгаа мэдээллийг эх сурвалж өгсөн байна.
Нэг үгээр тухайн иргэн ямар нэг шинжилгээ өгөхгүйгээр “сөрөг” гэх хариуг 80 мянган төгрөгөөр худалдаж авдаг гэх мэдээлэл гараад байна.
ХӨСҮТ-ийн дэд захирал Э.Тэмүүлэн :
Энэ бол маш ноцтой мэдээлэл. Бид үүнийг маш чухалчилж авч үзэн нягтлан шалгаж байгаа.
Хэрвээ энэхүү мэдээлэл үнэн болох нь баримтаар нотлогдвол тухайн ажилтанд бид байгууллагынхаа дотоод журмын дагуу арга хэмжээ авна.
