Дөрөвдүгээр сарын 5-ны өдрийг хүртэл улбар шар түвшиндээ буюу халдвар хамгааллын дэглэмээ ягштал баримталж, хамтран ажиллах шийдвэр гаргалаа гэж Улсын онцгой комиссоос мэдээллээ.
Эрүүл мэндийн сайд С.Энхболдын хувьд 14 хоног хөл хорио тогтоох шаардлагатай гэсэн саналтай байгаа бол Шадар сайд С.Амарсайхан хэсэгчилсэн хөл хорио тогтоож халдварын тархалтыг хумих санал гаргажээ.
Ингээд өндөржүүлсэн бэлэн байдлын зэргийг дөрөвдүгээр сарын 5 хүртэл сунгаж, халдварын тархалт буурахгүй байгаа хороодод хэсэгчилсэн хөл хорио тогтоох дээр санал нэгдсэн байна. Уг асуудлаа маргааш Засгийн газрын хуралдаанаар эцэслэн шийдвэрлэх юм.
УОК-ын дарга С.Амарсайхан:
-Зарим үйлчилгээний байгууллагууд богино цагаар ажиллах, халдвар хамгааллын дэглэм чанд сахих нь зүйтэй гэж үзлээ.
