Дуучин М.Нарантуяаг Монголын залуучуудын холбооны нэрэмжит шагнал болох “Хөдөлмөрийн алдар” медалиар шагналаа.
“Шинэ Өлгий” Үндэсний аяныг эхлүүлж 1.200 ширхэг хүүхдийн өлгийн захиалгыг хийлгүүлэхээр өгсөн юм.
Нийслэлийн дөрвөн том төрөх эмнэлэгт болон 21-н аймгийн төв эмнэлгүүдэд сайн чанарын хүүхдийн өлгийг хүлээлгэж өгөхөөр бэлтгэж байгаа аж.
Тэрээр өөрийн цахим хуудаснаа “Би энэ шагналыг хүртсэндээ их баяр талархалтай байна. Баян хүн гэж дуудуулснаас хөдөлмөрч хүн гэж хүлээн зөвшөөрөгдөх нь баян байхаас ч илүү эрхэм юм.
Монголын Залуучуудын Холбооны 100н жилийн түүхт ойн тэмдэглэлт баярыг угтсан олон нийтийн санал асуулгаар “Шилдэг Нийгмийн Зүтгэлтэн” болсон бол өнөөдөр “Хөдөлмөрийн Алдар” цолоор миний зүрх сэтгэлээс зорьж байдаг үйлсийг үнэлж урамшуулж байгаад маш их талархалтай байна.Хөдөлмөрч хүн алсдаа баяжих байлгүй дэ” гэжээ.
