УИХ-ын гишүүн асан З.Баянсэлэнгэ МАН-ын гишүүдэд хандаж өөрийн бодлоо хэлжээ. Түүний байр суурийг бүрэн эхээр нь хүргэж байна. Өглөөний мэндээ. Миний бие МАН-ын жирийн гишүүдэд хандаж сэтгэгдлээ хэлмээр санагдлаа. Өнөөдрийн МАН өөрсдийн чадлаар УИХ-д 65 суудал авсан уу гэвэл үгүй. Тэднийг энэ сандалд суулгахын тулд олон мянган гишүүд, дэмжигчид хамтран зүтгэж, хөлс хүчээ урсган, зуны халуунд, хүйтэн бороонд айлын хаалга нүдэн гартаа барьсан сурталчилгааны материалыг уурлаж бухимдсан иргэдийн гар хөлийг долоох шахам явж атгуулж, уулзалтын үед хоолойгоо сөөтөл хашгирч байсан тэд, үр дүнгээ сонсоод баярлаж байсан бизээ. Гэтэл тэдэнд очих мөнгийг хулгайлаад зогсохгүй, МАН гэдэг далбаан доор бусдад чичлүүлж, доромжлуулж нэр сүрийг нь барж, итгэл сэтгэл рүү нь нулимж байгаагаа ойлгох хүн энд байна уу. Сандал суудлаасаа буулаа гэж худлаа шоудаж байхаар, хамгийн түрүүнд намынхаа жирийн гишүүдээсээ очиж уучлал гуйж бөхий та нар. Та нарыг хамгийн түрүүнд шүүх хүмүүс намын чинъ ЭГЭЛ ЖИРИЙН гишүүд байх болно. 
