Туул голын бургасыг хядаж, газар дээр нь барилга барьж буй асуудал хэдэн жилийн өмнөөс гарар болсон. Туул голоо онгон дагшин байдлаар нь авч үлдэхийг эрмэлзэж буй иргэд сүүлийн 4-5 жил Мэргэжлийн хяналтын газар, Нийслэлийн Засаг даргын тамгын газарт хандсаар ирсэн.
Тэгвэл тэдгээр иргэдийн төлөөлөл болох иргэн Д.Баянмөнх, Ж.Энхбат нар Туул голын бургасыг хядаж, газар дээр нь барилга барихыг эсэргүүцэж шаардлага гаргажээ. Уг шаардлагаа Нийслэлийн засаг дарга Д.Сумъяабазарт хүргүүлсэн байна. Шаардлагад 72 цагийн дотор Туул голын эргэн тойронд бут сөөг, бургас модыг сүйтгэж барилга байгууламж барьж буй 22 байгууллагын тусгай зөвшөөрлийг цуцлахыг хүсчээ.
