Тоолбол нас чацуу, төөлбөл бие чацуу олны танил эрхмүүд олон бий. Бүгд өөр өөрийн хувь ертөнцтэй, өөр ажил мэргэжилтэй хэдий ч тэд нас чацуу онжавууд. Зарим нь нас чацуу гэж хэлмээргүй харагдаж байхад, бүр яг л чацуу юм байна даа гэж харагдах хүмүүс ч байна.
Тэднээс топ модель Э.Одгэрэл, тэмцэгч Г.Баасан, МУГЖ И.Одончимэг нар нас чацуу.Энэ гурван хатагтайг гуруулаа 1966 оны онжавууд гэвэл та итгэх үү.
Өдгөө 55 насны босго давж яваа тэд салбар салбартаа цуутай бүсгүйчүүд. “Мөнхийн залуу” гэх тодотголтой Э.Одгэрэл насаараа биеэ арчилж тордож, зөвхөн өөрийгөө гэх зарчимыг баримталж яваа нэгэн.
60 дөхөж яваа хэрнээ 20-той бүсгүйчүүдэд байраа тавьж өгөхгүй тайзнаа зэрэгцээд л гунхаж яваа тэр үнэндээ чадаж байна.
Тэр загварын охидууд төдийгүй бүсгүйчүүдэд гоо сайхнаа хэрхэн арчилж хамгаалж үлдэхийг биеэрээ үзүүлж байна. Харин ахмадын холбооны тэргүүн Г.Баасан хатагтай наснаасаа эрт эмээ нарын суудалд тухалж ахмадын Г.Баасан нэрээрээ алдартай болсон.
Тэрбээр гоо сайхандаа анхаарч явсангүй нийгмийн сайн сайхны төлөө ахмадуудынхаа ганц дуу хоолой болж яваа нийгмийн идэвхитэй эмээ нарыг тэргүүлж явна.
Мөнхийн залуу Э.Одгэрэлтэй чацуу гэвэл хэн ч итгэхгүй шүү. Мөн хошин шогийн загалмайлсан эх жүжигчин И.Одончимэг нөгөө хоёроосоо хамгийн түрүүнд гавьяа тэмдэгээр шагнуулснаараа өөр.
