Төв аймгийн Баяндэлгэр сумын харьяат, Монгол Улсын хөдөлмөрийн баатар, гавьяат тамирчин, олимпийн алтан медальт Э.Бадар-Ууган 1985 оны зургадугаар сарын 3-нд буюу энэ өдөр Улаанбаатар хотод төржээ. Түүний төрсөн өдөр өчигдөр тохиов.
Нийслэлийн 97 дугаар дунд сургуулийг төгссөн тэрбээр өдгөө МҮОХ-нд удирдах албан тушаалд ажиллаж байгаа. Мөн хувийн “Өүжин мед” үр шилжүүлэн суулгах эмнэлгийнхээ үйл ажиллагаанд гар бие оролцдог.
Боксын спортоор 1998 оноос эхлэн хичээллэсэн. Боксын 54 кг-ын жинд тоглодог байсан.
Амжилтын товчоон
• 2008 онд Олимпод анх удаагаа оролцож Монголын түүхэнд анх удаа боксын төрлөөр Олимпийн алтан медаль авлаа.
• 2007 онд АНУ-ын Чикаго хотод болсон Дэлхийн аварга шалгаруулах тэмцээнээс мөнгөн медаль авсан.
• 2007 оны Ази тивийн аварга
• 2007 оны улсын аварга
• 2006 оны Оюутны дэлхийн аварга
• Доха-2006 Азийн наадмын хүрэл медальт
• Герман улсад болдог Химийн цом тэмцээний аварга
• Туркийн Ахмад Комертийн нэрэмжит тэмцээний аварга
• Чехийн Усти-над-Лабем хотод болдог олон улсын тэмцээний мөнгөн медальт.
• 2007, 2008 оны Монголын шилдэг тамирчин
• 2008 оны дэлхийн шилдэг эрэгтэй боксчноор шалгарсан.
