УДЭТ-ын жүжигчин, СТА Г.Амгаланбаатар коронавирусийн халдвар аваад эдгэрсэн тухайгаа өнгөрсөн гуравдугаар сард бичиж байв. Тэгвэл тэрээр дахин өвчлөхгүйн тулд короновирусын вакциныг хийлгэжээ. Өчигдөр хоёр дахь тунгаа хийлгэсэн тухайгаа өөрийн цахим хуудаснаа нийтлэсэн байна.
Жүжигчин залуугийн хувьд короновирусын талаар “Шинж тэмдгийн хувьд үнэрлэх мэдрэмж хоёр хоног алдсан. Гэхдээ бүрэн алдаагүй. Хүн хүнд өөр өөр шинж тэмдэг илэрдэг юм билээ. Коронавирус тусаад эдгэрсэн хүмүүс яагаад ил гарч, мэдээлэл өгөхгүй байна вэ гээд гайхаад байдаг. Хүмүүс нийгмийн хандлагаас маш их айдаг юм байна гэдгийг би сайн ойлгосон.
Нийгмээрээ намайг нулимах вий гэдгээс айдаг учраас эдгэрсэн хүмүүс ил гарч чаддаггүй юм байна гэж бодсон” хэмээн ярьж байсан.
