Уран хурц барилдаанаараа үзэгч олноо шуугиулж явсан улсын гарьд Ц.Цэрэнпунцаг өдгөө УИХ-ын гишүүн болсон.
Сүүлийн 15 жил монголын тэргүүн бизнесменүүдийн нэг болсон түүнд “Жем интернейшнл” гэх том групп бий. Уг бизнесийн группээ удирдахын зэрэгцээ спортын салбараа орхилгүй, SPS спортын төрөлжсөн суваг нээн амжилттай ажиллуулж байгаа билээ. Дэлхийн спортын шилдэг нэвтрүүлэг, амжилт бүтээл, сонин сайхан, тэмцээн уралдаан, тамирчдын ур чадвар агшин бүрийг цаг алдалгүй үзэгчдэд хүргэдэг Эс Пи Эс Эйч Ди телевизийг түүний ууган охин Ц.Пүрэвжаргал удирддаг.
Ц.Пүрэвжаргал буюу Пушкиг сошиал найзууд нь “халуухан” спортлог бүсгүй хэмээн дүгнэдэг. Учир нь түүний нийтлэсэн гэрэл зургууд өөрийн гэсэн харизмтай, анхаарал татахуйц, харц булаам байдаг.
Пушки бүсгүй энэ жил 30 настай. Хэдхэн жилийн өмнө АНУ-д нижгэр хурим хийж дуулдсан тэрээр хоёр охиноо дагуулан Монголдоо ирээд удалгүй аавынхаа ажилд туслах болсон. Ц.Пүрэвжаргал Эс Пи Эс Эйч Ди телевизийн ТУЗ-ийн даргаар ажилладаг. Тэрээр өдгөө Блүүмбэрг телевизийн захирал Долгионтой хамтран амьдарч, гуравдахь хүүхдийг нь төрүүлсэн.
