Ододтой бүжиглэе шоуны ялагч тулаанч, сошиал нөлөөлөгч Ангууч буюу Баттөр сэтгэлийн үгээ дэлгэжээ. Тэрээр “Хоёрдугаар сарын 1-нд анх уулзаад өнөөдрийг хүртэл өдөр болгон хичээж бэлтгэл хийж, тэрийгээ үнэлүүлж чадсан миний амьдралын хамгийн сайхан мөч юм уудаа.
Арай л их баярлачихлаа” гэжээ.
Тус шоуны ялагч болох Ангууч түүний хамтрагч Б.Халиун нар гялтгар цом, 50 сая төгрөгийн эзэд болсон.
Тэд шагналын 50 сая төгрөгөө НҮБ-ын Хүүхдийн санд хандивлах болсноо зарласан юм.
Бүжгийн урлагийн яруу тансгийг мэдрүүлж, олон нийтэд бүжгийн гайхамшгийг сурталчлан таниулж чадсан энэхүү нэвтрүүлэг 13 долоо хоног буюу бүтэн гурван сар гаруйн хугацаанд үргэлжилсэн билээ.
