Короновирус цар тахлын нөхцөл байдалтай энэ нийгэм, цаг үед “Ододтой бүжиглэе” шоу өнгө нэмж, иргэдийн сэтгэлийн баясгаж дархлааг сэргээж байсан.
Долоо хоног бүрийн ням гаригт цэнхэр дэлгэцийн урд олны уядаг байсан тус шоу бүтэн 3 сар явагдсны эцэст ялагчаа тодруулсан. Ялагчаар тулаанч Ангууч буюу Баттөр гялгар цом, 50 сая төгрөгийн хандивын мөнгөн шагналын эзэн болсон. Тэрээр энэ мөнгөө НҮБ-ын хүүхдийн санд хандивлахаа мэдэгдсэн.
Тэгвэл Ангуучийн ялалтын баярыг гэр бүл, найз нөхөд нь өчигдөр тэмдэглэж өгчээ. Түүний гялгар цомтой ижилхэн загвартай бялуу, амтат зоогтой энэ баярыг Ангуучийн эмээ нь ирж чимжээ.
Тэрээр зээ хүүдээ ерөөл айлдаад, хүүгээрээ бахархаж байгаагаа илэрхийлж цомыг нь мялаасан гэнэ шүү.
