Фантастик продакшны залууст ганц “хүлээн зөвшөөрөгддөг” бүсгүй бол залуу жүжигчин Б.Одончимэг. Тэрээр “Гэрлэн дохио”, “Аз жаргалын шок”, “Том толгойтын романс”, “247 градус”, “Буруу өрөг”, “37-р точка” зэрэг тайз, дэлгэцийн олон арван бүтээлд эерэг, эсрэг дүр бүтээж, дүр бүхнээ үзэгчдийн сэтгэлд хоногштол амилуулсан.
Тэрбээр эдүгээ Улсын драмын эрдмийн театр хэмээх их айлын алтан тайзыг залуу нас, гоо үзэсгэлэнгээрээ чимж, уран чадвараараа үеийнхнээ хошуучлан, гялалзаж яваа уран бүтээлч юм.
Хөөрхөн жүжигчин маань МУГТ Г.Угалзцэцэгийн гарын шавь нарын нэг болжээ. Гавъяат багшийнхаа ачаар эрс өөрчлөлт хийж гуалиг болжээ.
