Монголын сонгодог урлагийн нэрийн хуудас болж яваа залуусын нэг бол яах аргагүй Монгол Улсын гавьяат жүжигчин О.Анужин.
Хөгжим бүжгийн коллежийн оюутан байхаасаа театрын балетын жүжигчин болсон түүний хувьд 23 насандаа гавьяат цол тэмдгээр энгэрээ мялаасан уран бүтээлч. Залуухан, үзэсгэлэнтэй бүсгүй өнгөрсөн 2020 онд анхны хүүхдээ өлгийдсөн.
Харин нэг гэгч азтай аавын хүү балетчин үзэсгэлэнтэй бүсгүйг өөрийн болгосныг олон хүн сонирхдог.
Тэгвэл О.Анужин Б.Баярмөнх гэдэг циркчин залууг насны ханиараа сонгожээ. Б.Баярмөнхийн хувьд Испани улсын Мадрид хотод ажиллаж, амьдардаг аж.
Тэрбээр циркийн жүжигчин мэргэжилтэй бөгөөд урлагаас гадна бодибилдинг фитнессийн спортоор хичээллэж, чамгүй амжилт гаргаж яваа авьяаслаг залуу ажээ.
