“Ангууч” нэрээр залууст танигдсан холимог тулааны тамирчин Б.Баттөрийг танихгүй хүн ховор. Өдгөө 27 настай тэрээр ганц бие залуу.
Орчин цагийн охидын краш болсон тэрээр инстаграмдаа л гэхэд 286 мянга гаруй дагагчтай. Арга ч үгүй биз, бие хаа царай зүс, стиль имиджээрээ үеийнхнээсээ тодордог. Тэрээр одоогоос дөрвөн жилийн өмнө мэргэжлийн загвар өмсөгчдийн тэмцээнд оролцсон.
Тайланд улсын Бангкок хотод зохиогдсон ‘Manhunt International 2017’ загварын тэмцээнд оролцож, шилдэг 16 оролцогчдын нэгээр шалгарч, ‘Mister Sunshine Smile’ шагналын эзэн болсон.
Мөн 2016 онд “Сайн уу, амьдрал минь”, 2019 онд арван ангитай “Анагаахын алдартнууд” кинонд тус тус тоглосон нь чамгүй жүжиглэх авьяастайг харж болно. Мөн “Юнител”, “Гоё”, Монгол дахь “Calvin Klein” зэрэг брэндүүдийн нүүр царай болж байв.
Түүний үндсэн мэргэжил санхүүч. Гэхдээ мэргэжлээрээ ажиллаж үзээгүй. Түүний аав нь багад нь нас барсан бол ээж охин дүү хоёр нь АНУ-д ажиллаж амьдардаг.
Түүнд ямар нэгэн хоббитой эмэгтэй таалагддаг гэсэн. Энэ тухайгаа “Би ямар нэгэн хоббитой эмэгтэй хүнд дуртай. Зөвхөн ажлаа хийгээд, хичээлээ хийгээд амьдрах нь хэтэрхий энгийн. Хобби нь амьдралын хандлагыг эерэгээр маш их өөрчилдөг. Эрчүүдийн харцыг татсан сайхан бүсгүй байя гэвэл хийж байгаа, сонирхдог зүйлдээ үнэнч байж, түүндээ дурлаарай гэж бүсгүйчүүддээ уриалъя. Энэ нь өнөө цагийн хамгийн секси зүйл. Гоё даашинз, хө x , өгзгөө c ч илүү чухал. Өнөө цагийн залуус ийм зүйлийг л мэдэрдэг, хардаг болсон.” гэж тэр нэгэн ярилцлагадаа хэлж байв.
