Ковид-19 цар тахлын сургаар шат дараалсан хөл хорио тогтоож хоёр жил орчмын хугацаанд эдийн засаг нь элгээрээ мөлхөж, өвдөх нь өвдөж, амиа алдах нь алдсаар өдгөө өдөрт илрэх халдварын тоо 2000-ыг давж өдөрт 10 орчим хүн нас барж байна.
Дор бүрнээ халдвараас хамгаалахаар хичээж Монгол Улс дотроо чөлөөтэй зорчих эрх хязгаарлагдмал болсон энэ цаг үед Монголын газар нуташт 7 хоног үргэлжилэх олон улсын уралдаан айсуй.
Тодруулбал, SILK WAY буюу Торгоны замын уралдаан долдугаар сарын 1-нээс ОХУ-аас эхэлж Баян-Өлгий-Ховд-Говь-Алтай-Баянхонгор-Өвөрхангай гэсэн мартшрутаар уралдаж долдугаар сарын 11-нд Улаанбаатар хотод дуусах аж.
Тус уралдаанд гадаад, дотоодын үндсэн 200 орчим тамирчид, зохион байгуулалтын багтайгаа нийлээд багадаа 1000 гаруй хүний бүрэлдэхүүнтэй байх магадлалтай байгаа нь Монгол Улсад мутаци зөөвөрлөх маш том эрсдэл юм.
ОХУ-д хувьд өдөрт ковид-19 цар тахлын 18 мянган тохиолдол батлагдаж, 450 нас баралт бүртгэгдэж байгаа. Энэ байдлыг тус улсын Засгийн газраас оргил үе хэмээн үзэж үзвэр, үйлчилгээний газруудыг хаах, цагийн хязгаарт шилжүүлэхээ өнгөрсөн баасан гарагт мэдэгдсэн.
Гэтэл Ийм хүнд цаг үед тус улсаас эхлэх олон хүний бүрэлдэхүүнтэй авто уралдааныг Монгол Улсын нутаг дэвсгэрээр дамжин өнгөрч, халдварын голомт болсон Улаанбаатар хотод уралдааныхаа бариаг хийхийн зөвшөөрсөн Засгийн газар, УОК шийдвэрээ эргэн харж, яаралтай цуцлах нь зүйтэй юм. Гадаадын 1000 давсан иргэдийг ямарч тусгаарлалтгүй хил дамнуулан уралдаан зохион байгуулах цаг үе нь одоо биш. Монголчууд эх орондоо, оршин суугаа газартаа ч чөлөөтэй зорчиж чадахгүйд хүрч, дотооддоо бүх арга хэмжээгээ цуцалсан байтал тус уралдааныг зохион байгуулж байгаа нь иргэдийнхээ аюулгүй байдалд шууд заналхийлсэн үйлдэл юм.
Нэгэн жишээг эргүүлэн сануулахад халдварын нэг ч тохиодолгүй байсан Дархан хотод төмөр замын тэмцээн гэх нэрийдлээр ирсэн Оросуудаас халдвар авч, голомт болж байсныг санах нь зүйтэй биз ээ. Дотооддоо хяналтаа алдаж, хэрхэхээ ч шийдэж чдахгүй байгаа энэ үед Торгоны зам авто уралдааныг нэн даруй цуцалж, мутаци тээвэрлэхийг зогсооно уу Ерөнхий сайдаа!
