Энэ сарын 21-ны өдөр Хан-Уул дүүргийн цагдаагийн хэлтэст Ривер гарден хотхоны 410-р байранд хулгай орсон гэх дуудлага иржээ. Дуудлагын дагуу цагдаагийн албан хаагчид шалгалт хийхэд тухайн гэрийн эздийг эзгүй байх хооронд буюу энэ сарын 04-нөөс 21-ний хооронд орон байрны хулгай орсон байжээ.
Хулгайд их хэмжээний галт зэвсэг болон үнэ бүхий зүйлсийг алджээ. Тодруулбал, ORIS T-5000 L маркийн хар өнгийн Rador HD урт дурантай буу, R-15 маркийн их бие нь тэр чигтээ хар өнгөтэйбуу, Browning ab3 300mag их бие нь бор өнгөтэй, гол төмөр нь хар өнгөтэй дээрээ swaroski бичигтэй шувууны эмблемтэй дурантай Diskovery ногоон өнгийн даавуун ууттай буу, Вепр ангийн буу, Германд улсад үйлдвэрлэгдсэн гар буу, Маузер хуучны модон хуйхтай, үл ялиг гандмал буу, ТТ гар буу, металл гар буу өнгөгүй, Калибр автомат хар өнгийн урдаа дуу намсгагчтай шиг зүйл хийсэн галт зэвсэг, 3 литрийн багтаамжтай ямар нэгэн бичиглэлгүй мөнгөн аяга, Таван нүдэн брэндийн дээрээ diamond шитгээтэй дотроо Marguise Diamonds гэсэн бичиглэлтэй хутга тус бүр 1ш, дунд гарын мөнгөн аяга 40ш, Батноров хийцийн эмээлийн мөнгөн баавар 6ш, эрэгтэй эмэгтэй хүний хуримын хос бөгж 2ш, 50 гаруй төрлийн шилтэй архи, виски, дарс, загвар тодорхойгүй эрэгтэй хүний бугуйн цаг 6 ширхэг, нийт 9 төрлийн галт зэвсэг, 7 төрлийн 106 ширхэг эд зүйл алдагдсан” байна. Хэргийг үйлдсэн этгээдүүдийг хорьж саатуулсан бөгөөд эд мөрийн баримтаар 3 ширхэг хутга хураан, гарын мөр 26, гутлын мөр 6, эвдэгч багажны мөр 1, гарын дардас 3 зэргийг хураан авчээ.
Орон байрандаа ийм их хэмжээний галт зэвсгийг хадгалж хэрэглэж байсан нь өөрөө асуудал дагуулаад байгаа аж.
1 сэтгэгдэл
Манай Хүүк хаана амьдардагийн, өрөөсөн дугуй нь бн даа?