Маск” продакшны жүжигчин Г.Лхагвацэрэн буюу Жижгээ, “Эмоци” хамтлагийн жүжигчин Цогтбаяр буюу Цогтоо нар +17 инээдмийн цуврал хийж үзэгч олноо илүү танигдсан.
Тэгвэл тэд амьдралын түүхээ гэрэл зургаар хүүрнэжээ.
Жижгээ нэгэн хэвлэлд ярилцлага өгөхдөө “Оюутан байхдаа цаг наргүй байнга хичээллэж, бэлтгэл сургуулилт хийж, сургууль дээр хонож өнждөг ямар мэргэжил сонгочихвоо гэж бодож байсан. Жүжигчин хүн олонд танигдах ёстой.
Гэтэл тийм боломж гарч ирэхгүй юм шиг санагдаж байсан үе бий. Бас гэр бүлтэй болоод амьдралаа авч яваад эхэлтэл цалин хүрэлцэхээ больсон. Тэгээд цаашдаа иймэрхүү байдлаар явах ёстой гэж үү гэж бодож байсан.
Ингэж шантрах үедээ яах гэж чи энэ мэргэжлийг сонгосон юм, чамд бусадтай адил эрүүл бие, оюун ухаан байна. Бас олон хүн энэ мэргэжлээр амжилт үзүүлээд байхад чи яагаад чадахгүй гэж өөрөөсөө асуусан. Одоо эргээд бодоход тухайн үед залхуу байсан юм байна.
Төгсөөд шууд жүжигчин болчих юм шиг буруу бодож байсан учраас шантарсан юм билээ. Хүн хүсэж байсан мэргэжлээ сонгосон бол түүнийхээ төлөө тууштай, цаг нар, өдөр, шөнөгүй хөдөлмөрлөх хэрэгтэй. Тухайн мэргэжлээрээ амжилтад хүрнэ гэж бодож байгаа бол өөрийгөө дайчлах хэрэгтэй гэдгийг ойлгосон” гэжээ.
