“Улаан бал” нэвтрүүлгийн хөтлөгч Ч.Лодойсамбуу өдгөө өөрийн гэсэн карьер амбицтай болсон. Тэгвэл тэрээр наадам хийхийг уриалж эхэлсэн байна. Учир нь өөрөө короновирусын халдвар аваад эдгэсэн учир энэ өвчнөөс айхгүй байгаагаа илэрхийлэх болсон.
Тэрээр “Наадмаа хийдгээрээ хий. Яг үнэндээ өөрөө тусаад үхсэн ч хамаагүй баярлаж цэнгэе. Ямар сэтгэл мэдрэлгүй робот байгаа биш. Аливаа баяр, наадам гэдэг чинь хүмүүс зүгээр л эрхэлж галзуурсандаа хийдэг зугаа цэнгэл биш. Хүний нийгэмд эм нь болж байдаг юм. Үзэхгүй нь үзэхгүй л биз. Наадах нь эрсдлээ үүрээд наадчихъя. За барьж ид дээ зомбинууд минь” гэжээ.
Ташрамд дуулгахад, Ч.Лодойсамбуу өөрийгөө үеийнхэндээ 40 настай гэж итгүүлж чадсан. Үнэндээ тэрээр 1987 оны “хүүхэд”. Гучин насандаа хоёр ч эхнэр сольж чадсан тэрээр өдгөө хоёр хүүхдийн эцэг.
2005-2009 онд “Хэвлэлийн хүрээлэн”-ийн дэргэдэх “Сэтгүүлч” коллежид сурч, төгссөн. 2007-2010 онд үндэсний өдөр тутмын “Зууны мэдээ” сонинд гэрэл зургийн сурвалжлагч, Дизайны албаны даргаар ажилласан. 2009 онд “Өнөөгийн төр” гэрэл зургаараа “Оны шилдэг гэрэл зураг” Гран при шагнал хүртсэн. 2010-2011 онд “ShuuD.mn” сайтад гэрэл зургийн сурвалжлагч, 2011 оны эхэн үеэс телевизийн салбарт нэвтрүүлэгч, мэдээний албаны сурвалжлагчаар ажиллаж эхэлсэн байдаг.
