УИХ-ын хоёр гишүүний орон гарснаас үүдэж хоёр тойрогт нөхөн сонгууль болохоор болсон.
Ирэх 10 дугаар сард нөхөн сонгууль болох учиртай. Энэ удаад бид Хэнтий аймгийн 42 дугаар тойрогт улс төрийн намуудаас ямар улс төрчид нэр дэвших магадлалтай байгаа талаар бид онцлон хүргэе ээ.
МУ-ын Ерөнхийлөгчийн сонгуульд МАН-ын дарга Ухнаагийн Хүрэлсүх ялалт байгуулснаар Хэнтий аймгийн 42 дугаар тойрогт нөхөн сонгууль явуулахаар болоод байна.
МАН-Д НЭР ДЭВШИХ ХҮСЭЛТЭЙ УЛС ТӨРЧ ОЛОН БАЙНА
Нөхөн сонгуульд нэр дэвшигчээ тодруулах үйл явц нь хамгийн их өрсөлдөөнтэй байгаа нам бол МАН. Тус намын бурхи ахмад гишүүн их хурлын гишүүний сэнтий рүү энэ удаад үзээд алдахад бэлэн гэдгээ илэрхийлжээ.
Тэр улстөрч бол Ганбямба.Өнгөрсөн 2016 оны сонгуульд ялагдлаас айж хойш суучхаад намаа ялсны дараа засаг дарга болж заль гаргасан хүн. УИХ-ын гишүүнээр ажиллаж байсан ч үр ашигтай ажилласан гэж хэлвэл үнэнээс хол зөрөх улстөрч. Түүнтэй өрсөлдөж байгаа хүн бол соёлын дэд сайд Батбаяр. Унаган хотын иргэн нийслэлд л ажиллаж байсан намчин. Харин энэ удаад өөрийгөө их хурлын гишүүн болох хэмжээнд боловсорсон гэж үзэж байгаа юм. Эсвэл намынхаа шинэхэн дарга Оюун-Эрдэнийн ойрын хүн учраас ийнхүү өрсөлдвөл гарчихна гэж бодсон бололтой. Энэ хоёр эрхэмээс гадна хуульч Батжавын нэр яригдаж байна.
2020 оны сонгуульд өрсөлдөхөөр Хэнтий аймагт битүү улсалгаа хийсэн. Гэхдээ эрх баригчдын найраанд орж МАН-ын гишүн болж нэрээ татаж байсан туйлбаргүй нэгэн.
АРДЧИЛСАН НАМ ЗАЛУУ УЛСТӨРЧӨӨ НӨХӨН СОНГУУЛЬД СОЙНО
Ардчилсан нам тамга, дарга нарынхаа асуудлыг нөхөн сонгуулиас өмнө цэгцэлж таарна. Олон удаагийн дараалсан ялагдлын хар буухиагаа зогсооход нөхөн сонгууль гол үүрэг гүйцэтгэнэ. Энгийн гишүүд нь намын лидерүүдийнхээ зөрчилдөөнөө зогсоохыг шаардаж нөхөн сонгуульд зөв хүнээ нэр дэвшүүлэхийг шахаж байна. Хэдийгээр олон улс төрч байгаа ч сонголт нэг гэж үзэх хүн олон байна. Засгийн газарт зөвлөхөөр ажиллаж байхдаа их хурлын гишүүн шиг 2012 оноос хойш тасралтгүй аймаг орон нутагтаа бүтээн байгуулалт хийж чадсан залуу улс төрч байгаа нь Хүдэрбаатар.
Хэдийгээр 2012, 2016 оны их хурлын сонгуульд бүдэрсэн ч өнөөдрийг хүртэл нутагтаа зөв усалгааг үргэлж гүйцэтгэж байсан түүнийг дэвшүүлвэл иргэд итгэл үзүүлнэ гэж тус намын энгийн гишүүд ч иргэд ч үзэж байгаа юм. МЕК судалгааны байгууллагын тандалтаар түүний нэр ч дээгүүрт нэрлэгдэж байсан. Намынхаа бусад гишүүд шиг төсөл, хөтөлбөр, тендэрт нэр холбогдоогүй улс төрч учраас сонгогчдын итгэлийг хүлээнэ гэж түүнд найдлага тавьж байна.
