Ерөнхийлөгч У.Хүрэлсүх Хөрөнгө орлогийн мэдүүлэгтээ гэр бүлийн орлогогүй хэрнээ 1,7 тэрбумын хадгаламжтай хэмээн мэдүүлжээ.
Түүний хувьд улсад ажилласан гэхээсээ илүү улс төрийн намд 1989 оноос хойш зүтгэжээ.
Ажлын намтарыг нь сөхвөл,
• 1989-1990 онд Монголын Ардын Армийн 152 дугаар ангид улс төрийн орлогч
• 1991-1994 онд МАХН-ын Төв хороонд улс төрийн ажилтан
• 1994-1996 онд Улсын Их Хурал дахь МАХН-ын Бүлгийн ажлын албанд зөвлөх
• 1996-1997 онд МАХН-ын Залуучууд хөгжил төвийн ерөнхий захирал
• 1997-1999 онд Монголын Ардчилсан Социалист Залуучуудын Холбооны Ерөнхийлөгч
• 1999-2000 онд Улсын Их Хурал дахь МАХН-ын Бүлгийн Ажлын албанд Нийгмийн бодлогын зөвлөх
• 2000-2005 онд Монголын Ардчилсан Социалист Залуучуудын Холбооны Ерөнхийлөгч
• 2000-2007 онд МАХН-ын Удирдах Зөвлөлийн гишүүн
• 2000-2004 онд Улсын Их Хурлын гишүүн
• 2004-2008 онд Улсын Их Хурлын гишүүн
• 2004-2006 онд Засгийн Газрын гишүүн, Онцгой Байдлын Асуудал Эрхэлсэн Монгол Улсын Сайд.
• 2006-2008 онд Засгийн Газрын гишүүн, Мэргэжлийн Хяналтын Асуудал Эрхэлсэн Монгол Улсын Сайд
• 2007 оноос Монголын Зүүний хүчний холбооны ерөнхийлөгч
• 2008-2012 МАН-ын Ерөнхий нарийн бичгийн дарга
• 2012-2013 онд Улсын Их Хурлын гишүүн
• 2014-2015 онд Монгол Улсын Шадар сайд
• 2016-2017 онд Монгол Улсын Шадар сайд
• 2017 оноос Монгол Улсын 30 дахь
Ерөнхий Сайд, Монгол Ардын Намын дарга
Өнгөрсөн гурван жилийн хугацаанд гүйцэтгэх засаглалын тэргүүний өөрийн орлого 134 сая төгрөгөөс 165 сая хүртэл нэмэгдсэн бол гэр бүлийн орлого нь 0 хүртлээ буурчээ. Өөрөөр хэлбэл 2017 онд ХОМ-ийг бөглөх үед гэр бүлийн орлого нь 2727600 төгрөг байсан бол 2018, 2019 онуудад 0 болон гэр бүлийн орлогогүй болжээ.
Орон сууцны хувьд мөн л өөрчлөлт орсонгүй. 168 сая төгрөгийн үнэлгээ бүхий хоёр орон сууцтай. Харин автомашины тухайд анх мэдүүлсэн үеэс өөрчлөлт гарсангүй. Mercedes Benz ML320 1, Harley Davidson мотоцикл 1, Lexus, 570- 1 тус тус эзэмшдэг бөгөөд нийт үнэлгээ нь 284058600 буюу 284 сая төгрөгөөр үнэлжээ.
Сүүлийн хоёр жилийн өгсөн ХОМ-ээс нь харвал Ерөнхий сайд 1.7 тэрбум төгрөгийн хадгаламжтай, авлага, зээл аль аль нь байхгүй, эзэмшдэг тусгай зөвшөөрөлгүй юм байна.
