Дуучин А.Түмэн-Өлзий байшингаа зарна
Сүүлийн үед уран бүтээлээс хувийн амьдралаа сошиалд дэлгэх болсон дуучин А.Түмэн-Өлзийн Хангайтын аманд байрлах зуслангын байшингаа зарахаар болсон гэнэ шүү. Тэрээр энэ тухайгаа өөрийн цахим хуудаснаа зар тавьж гоё байрлалтай, цэвэрхэн тухлаг байшинг маань яг сонирхсон хүн холбогдоорой хэмээн онцолжээ.
Түүний хувьд энэхүү байшинг охиныхоо аавтай хамт амьдарч байхдаа худалдан авсан гэдэг. Охиноо гурван нас хүрэх үетэй зэрэгцэн “Би чадалтай хүчирхэг эмэгтэй. Энэ хорвоог ганцаараа туулсан ч чадах тэнхээтэй. Сайн л хүнтэй суу. Тэр болтол ганцаараа хэчнээн удаан явсан ч хамаагүй. Муу амьдаръя гэвэл ганцаараа хэн ч чадна. Яршиг л байна” хэмээн нууцаа дэлгэсэн байдаг.
Анх телевизийн нэвтрүүлэгт оролцох үеэрээ ханьтайгаа фэйсбүүкээр танилцсан хэмээн ам алдаж байсан дуучин бүсгүй төд удалгүй Бид олон жил үерхсэн тэгээд нөхрийгөө гадаадаас ирэхэд нь гэр бүл болсон гэж хэвлэлээр нэг шуугиулж байлаа. Авто машины кузов засварчин мэргэжилтэй эр нөхөртөө хөөрхөн охин төрүүлж өгсөн дуучин А.Түмэн-Өлзий ч нярайлаад удалгүй уран бүтээлдээ эргэн орсон.Улмаар жүжигчин Л.Сөрөлттэй хамтран дуулж хэд хэдэн тоглолт хийсэн бөгөөд хөдөө орон нутгаар хамтдаа аялан тоглоод ирсэн. Дуучин Э.Чулуунчимэгтэй үй зайгүй найзууд тэрбээр чухам юуны учир нөхрөөсөө салж ганц бие ээжийн тоог нэмсэн нь тодорхойгүй хэвээрээ үлдсэн билээ.
