Монголын хит хоп ертөнцийн сонин содон төрхүүдийн нэг бол pеппер Roockie буюу У.Мөнхбагана.
Тэгвэл тэрээр шинэ уран бүтээлдээ жүжигчин Алдармаатай халуун дотно харилцаатай дүрийг гаргасан байна. Тэдний хувьд 12 насны зөрүүтэй ч, насны зөрүүтэй гэж харагдахгүй байгаа биз.
Реппер залуугийн хувьд өнгөрсөн 2020 оны эхээр бусдад хутгалуулж хүнд гэмтэж байв. Удалгүй хар тамхины хэргээр ял эдлэж байгаад саяхан суллагдсан билээ.
Тэрээр өөрийнхөө дуулж буй урлагийн талаар “Жинхэнэ хип хоп маш их хайр байдаг шиг санагддаг. Авдаг мэдрэмжийн хувьд гэх юм бол өөрийгөө усанд байгаа загас шиг л боддог. Загас усандаа байхдаа дураараа жаргалтай байж чаддаг хуурай газар байвал шууд үхдэг шиг энэ урлагаас эрх чөлөө, хамгийн гоё мэдрэмжийг авч чаддаг. Маш их кайф авдаг яг л миний хийх дуртай зүйл болсон.
Гэхдээ дурлаж хийж байж гоё зүйл гарна хөнгөхөн хандаад байвал хүнд хүрэхээр зүйл хийж чадахгүй шүү дээ. Хүмүүжлийн тал дээр ярих юм бол реппэрүүд хатуу үгээр үнэнг илэрхийлдэг болчихдог. Хатуу үг хүнд хүндээр тусдаг байж болох юм. Дуугаараа юу ч хэлж болдог учраас хэмжээ хязгаарт баригдахгүй үнэн зүйлсийг хүмүүст хэлж болдог. Маш олон хүмүүс хип хопоор хүмүүжиж байгаа. Энэ соёл өөрөө ч дэлхийд хүчээ авч эхэлж байна.
Саяхны нэг судалгааг харж байхад поп дуунаас дээгүүрт тавигдаж байгаа харагдаж байна лээ. Одоо л хип хоп байр сууриа олж жинхэнэ утгаараа хөгжиж байна дэлхий нийт тэр аяараа эерэгээр хүлээн зөвшөөрдөг болсон” гэжээ.
