Жүжигчин Б.Амарсайхан
Намайг Амараа гэдэг рекламаараа өөрийгөө брэнд болгож чадсан жүжигчин Амарсайхан гэр бүлээрээ баруун аймгуудаар аялж байна.
Тэд өдгөө эхнэр Уранаагынхаа аавын нутаг болох Ховд аймагт хүрсэн байна. Таван хүүхдийн эцэг эх болсон тэд өөрсдийн цахим хуудаснаа “Баянхонгор, Говь-Алтай аймгууд дээр зогсож болохгүй, машины хаалга лацдаж байна.
Тэгэхээр хоол хүнсээ тааруулж бэлдээд, махаа сайн шуузлаад өөрсдөө хоолоо хийж идээд явбал дээр байна. Бензин харин авч болно” хэмээжээ.
Модель Ө.Содгэрэл
Монголын загварынхан дундаа хамгийн амбицтай яваа нь Ө.Содгэрэл. Гоо үзэсгэлэнгээрээ туяа татуулдаг тэрээр өнгөрсөн жил Баян-Өлгий, Өмнөговиудад аялсан бол энэ жил Увс, Завханыг зорьж явна.
Тэрээр Архангайд хүрсэн тухайгаа өөрийн цахим хуудаснаа онцолжээ.
Наро Банчэн гэгээнтэн
Монголын хамгийн царайлаг лам гэгддэг Наро Банчэн гэгээнтэн Баянхонгор, Говь-Алтай, Завхан аймгуудаар аялаад өчигдөр Архангай аймагт орж иржээ. Тэндээсээ Хөвсгөл аймаг руу хүрээд нийслэл хотдоо ирэх бололтой.
Дуучин Зоригт, реппэр Цэцэ
Уран бүтээлээс илүү гэр бүлийн найзууд гэгддэг дуучин Зоригт, реппер Цэцэ нар өдгөө Хөвсгөл аймгийн Жанхайд хүрчээ. Тэндээсээ Архангай орох төлөвлөгөөтэй аялж байгаа гэнэ шүү.
Дуучин Идэржавхлан, “Нэгэн зүгт”-ийн Заяа
Зохиолын дуучин Идэржавхлан, “Нэгэн зүгт”-ийн Заяа нар гэр бүлийн найзууд. Хэн хэнийнх нь эхнэр олны танил тэд хамтран сошиал бизнес эрхлэж эхэлсэн. Хамтарсан блогоороо хэдэн мянган ам.доллар олох болсон тэд энэ удаагийн аяллаараа Хэнтий, Дорнод, Дундговь аймгуудаар зочлох юм байна.
