Мэргэжлийн боксын IBO холбооны дэлхийн аварга, олимп, дэлхийн аварга шалгаруулах тэмцээний мөнгөн медальт, МУГТ Н.Төгсцогт, инстграм од Э.Энэрэл нар охинтой болоод хэдхэн хоногийн нүүр үзэж буй.
Тэгвэл Н.Төгсцогтын экс эхнэр Д.Уранзаяа өөрийн цахим хуудастаа хүү Гийх-Од болон түүний аав Н.Төгсцогт нарын зургийг дэлгэж, “Ингээд харахаар бас аавтайгаа их адилхан. Төгсөөгийнхөө гэр бүлд нь аз жаргал хүсье. Од бөөн баяр” гэжээ.
Н.Төгсцогт, Д.Уранзаяа нар хүүгээ ой хүрэх үед хоёр тийш болж байв.
Энэ талаар Д.Уранзаяа “Сэтгэл нь явсан хүнийг хүүгээ бодоод дэргэдээ байлгавал, байлгах л байсан. Гэвч надад тэгэх хүсэл байгаагүй. Ганц бие ээж байх сонголт хийсэндээ одоо баярладаг” гэж байв. Түүнчлэн, хэдэн сарын өмнө экс нөхөртөө хандаж “Хүүтэйгээ уулзах сэтгэл алга уу” хэмээн бухимдла a илэрхийлж байсан удаатай.
Ямартаа ч, Н.Төгсцогт эцсийн сонголтоо өөрөөсөө дөрвөн насаар дүү, инстграм од Э.Энэрэл хэмээх бүсгүйг сонгож, гэрлэлтээ батлуулжээ. Э.Энэрэлийн хувьд дунд сургуулийн босго алхах үедээ буюу дөнгөж 17 насандаа “Зүрх зогсохгүй” кинонд гол дүр бүтээж, реклам сурталчилгааны захиалганд дарагддаг байсан удаатай.
Түүнээс хойш хөөрхөн царайгаараа олны анхааралд үргэлж байдаг байсан.
