Цаг цагаараа байдаггүй, цахилдаг хөхөөрөө байдаггүй гэх ардын сайхан үг бий. Тэгвэл зохиолын дууны ертөнцөд гурван өөр цаг үед, гурвуулаа “од” болж байсан сайхан бүсгүйчүүдийг танилцуулж байна.
МУГЖ С.Эрдэнэцэцэгийн хувьд хэдийнэ 50 насыг зооглосон ч үеийнхнээсээ даруй 20 насаар залуу харагддаг. 1990-ээд оны эхээр УДБЭЧ-аас уран бүтээлийн гараагаа эхлүүлж “Учиртай гурван толгой” дуурийн Нансалмаа, “Сүнжидмаа” дуулалт жүжгийн гол дүр Дэжидийн дүрийг бүтээснээс гадна Монголын ард түмний сэтгэлд хоногшсон олон сайхан дууг амилуулсан авьяаслаг, үзэсгэлэнтэй уран бүтээлч юм.
Өнгөрсөн хавар болсон “Ододтой бүжиглэе” шоуны үеэр нас бол тоо гэдгийг бие хаа,царай зүсээрээ тэрээр харуулж чадаж байсан.
Дуучин Г.Эрдэнэтунгалагийн хувьд 2000 оны эхээр жинхэнэ “супер стар” байлаа. Их сургуулийн гуравдугаар курсын оюутан байхдаа “Ханьсахын жаргал” дуугаараа байлдан дагуулж байсан тэрээр тухайн үедээ нэгэн бөх залуутай гэр бүл болж охинтой болсон.
Гэвч гэр бүлийн маргааны улмаас хоёр тийш болж, хэвлэлээр хоорондоо хэрэлдэж багагүй шуугиан тарьж байсан билээ. Тэр 20 жилийн өмнөхөөсөө огтхон ч өөрчлөгдөөгүй яг хэвээрээ. Харин амбиц карьерын хувьд улс төр, бизнес сонирхон оролдох болсон.
Харин Х.Мөнгөнцэцэгийн хувьд 2010 оны дундуур төрсөн “нийтийн дууны гүнж” тодотголтой бүсгүй. Говь-Алтай нутгаас гаралтай тэрээр ид мандаж байх үедээ сайн найзынхаа нөхрийг булааж, гэр бүл зохион гурван хүүхэд төрүүлсэн паянтай. 
Өөрийнхөө энэ шийдвэрт эргэлздэггүй тэрээр өөрийн нөхөр дуучин Б.Болдтой хамт дуулах болсон.
