Шоронгоо с хүн оргох нэг асуудал. Харин шоро н л байсан хүнийг зэвсэглэсэн бус жирийн иргэнд алдаад явуулсан Шүүхийн шийдвэр гүйцэтгэх байгууллага 100 жилийн түүхэн ой дээрээ чадамжгүй гэдгээ батлав.
Тодруулбал, иргэн Д.Монголхүүг хойшлуулашгүй ажиллагааны хүрээнд саатуулсан байх юм. Улмаар хорих 461-р ангид эмчийн үзлэгт орж байхад нь иргэн Э.Одбаяр нэр бүхий иргэний хамт нэвтэрч, аваад гарсан үйлдэл болов.
Хорих анги бол төрийн тусгай хамгаалалттай газар. Уг газарт нэвтрэхийн тулд прокуророос зөвшөөрөл авч, ямар зорилгоор хэзээ хэнтэй уулзах гэж байгаагаа, бичиг баримтаа үзүүлдэг “дархан цаазтай” гэж хэлж болохоор газар. Гэтэл жирийн хоёр иргэн ороод тус ангид саатуулагдаж байсан хүнийг аваад гарна гэдэг ШШГЕГ-ынхан хариуцлага алдсан үйлдэл болов.
Харин энэ асуудлын талаар мэдээлэл хийх ёстой Шүүхийн шийдвэр гүйцэтгэх байгууллагынхан таг чиг амаа үдүүлсэн мэт байв. Тиймээс Монгол улсын Засгийн газраас ЦЕГ-ын даргыг мэдээлэл өг гэж чиглэл өгсөн тул энэ асуудалд хамааралгүй ЦЕГ-ын дарга өчигдөр мэдээлэл хийв.
Хөндлөнгийн нүдээр харахад ШШГЕГ-ын хариуцлага алдсанд ЦЕГ хамаагүй мэт.
Харин агуулгаар нь холбоход ЦЕГ, ШШГЕГ аль аль нь Хууль зүй дотоод хэргийн яамны харъяа агентлаг. Аль аль нь зуун жилийнхээ нүүрийг үзэж байгаа ч тэгш ойн дээрээ бүдэрсээр байгаа, “муу”дарга, чадваргүй сайдтай салбар.
Ганц Шүүхийн шийдвэр ч бус 100 жилийн ойгоо угтсан цагдаагийн байгууллага ч гэсэн чадамжгүй гэдгээ удаа дараа батлав. Тухайлбал өнгөрсөн сард Төмөр замын цагдаа амиа хорлоход хэргийг нууцалсан. Гэмгүй нэг иргэнд 15 эзэнгүй хэрэг тохсон цагдаа нар өнөөдрийг хүртэл ажлаа хийсээр, хар тахины хэрэгт бусдыг “бухсан” цагдаагийн хэрэг, 100 жилийн ойн арга хэмжээний үеэр олон алба хаагч ковидоор өвчилсөн гэх мэтчилэнгээр олон нийтийн мэдээгүй, нуун дарагдуулсан хэрэг олон бий.
Хуулийн байгууллагын дарга нар өөрсдөө цол ахиж байх энэ хооронд хууль зүйн яамны харъяа агентлагууд хичнээн чадамжгүй болсныг Д.Монголхүү хори х ангиас алдаад явуулсан жишээ харуулж байна.
Д.Монголхүү, Э.Одбаяр нарын энэхүү үйлдэл хуулийн байгууллагыг чадамжгүй, муухай харагдуулж, салбарын нэр хүндийг унагах үүргээ биелүүлээ. Харин цаашид хори х ангиас ингээд хүн аваад гарч болдог юм байна гэх буруу хандлагыг нийгэмд төрүүлэв.
Мэдээж хэрэг алдаад явуулсан алба хаагч, төрийн тусгай хамгаалалттай газраас хүн авч гарсан Э.Одбаяр нар хариуцлага хүлээх нь тодорхой.
Харин хуулийн байгууллагын энэ мэт чадамжгүй болсон үйлдэлд салбарын сайд нь хариуцлага хүлээх үү?
Үндэсний аюулгүй байдал нь энэ хэмжээнд хүртэл нуран унасанд ҮАБЗ, тагнуулын байгууллага нь анхаарч байгаа гэж найдаж байна.
А.Баярмаа
