Эрт урьд ч эдүгээ цагт ч тэр олны танил нэр хүнтэй алдартнууд, энгийн хүмүүсийн дунд “нууц” хүүхдтэй эрхмүүд цөөнгүй бий.
Гэвч нууц хадгалах явдал нь үргэлж бүтээд байдаггүй учраас эцэг тогтоолгох шинжилгээ, карераа алдах, мөрөөдлөө хаях зэрэг асуудлуудтай тулгардаг.
Тэгвэл монголын олны танил эрчүүдээс хэн хэн нь хүүхдээ “орхи ж” эсвэл энэ амьдралаасаа нууцалж явааг дурандая.
Н.Номтойбаяр
УИХ-ын гишүүн асан Н.Номтойбаяр “аав”-ынхаас гарч ирснээсээ хойш хэдэн сарын нүүр үзэж буй.
Өдгөө улс төрөөс холдож, өөрийн хобби хүсэл мөрөөдлөөрөө амьдрах болсон. Түүний хувьд албан ёсоор хоёр удаа гэрлэсэн. Албан бусаар хэд хэдэн бүсгүйтэй хамт амьдарч байсан гэдэг.
Дөнгөж 17 насандаа өөрөөсөө эгчмэд Туяа гэгч бүсгүйг анхны найз бүсгүйгээ болгож, Мөнгөншагай хүүгээ өлгийдсөн. Тэд гэр бүл болохыг хүссэн ч Н.Номтойбаярын аав Б.Нямтайшир гуайн эсэргүүцлийг давж чадаагүй гэдэг.
Мөнгөншагай хүү өдгөө эрийн цээнд хүрч, эхнэр авах хэмжээний залуу болсон. Тэрээр өдгөө төрсөн эцгээ ах хэмээн дууддаг юм билээ.
Жүжигчин Д.Баттөмөр
“Банш” гэх тодотголоор олонд танигдсан жүжигчин Д.Баттөмөр “X-түц” продакшнаас ажлын гараагаа эхэлсэн нэгэн. Нэр алдартай ах эгч нарын дэргэд нэлээн арвин туршлага хуримтлуулсан тэрбээр Эрхэмээ, Шагай хоёртой нийлж “Мөрөөдлийн театр”-аа нээснээр олз омогтой яваа гэж болно.
Хувийн амьдралын тухайд ч чамгүй зузаан намтар түүхтэй нэгэн. Оюутан ахуй үедээ амьдрал зохиож хөөрхөн хүүтэй болсон Банш Батаагийн одоогийн амьдрал түүний хоёр дахь сонголт нь.
Тэрбээр анхны эхнэр, хүү хоёртойгоо сүүлийн жилүүдэд холбоо сүлбээ тасарсан бөгөөд хоёр дахь эхнэрээсээ дөрвөн ч хүүхэдтэй болоод байгаа билээ.
Б.Бат-Эрдэнэ аварга
Эрийн сайхан бөхчүүдийн дунд, эхнэрийн сайхан бүжигчдийн дунд гэдэг үнэн үг. Даяар дуурсагдах далай даян дархан аварга Б.Бат-Эрдэнэ хэзээд бүсгүйчүүдийн хүсэмжит болсон дүр байв.
Цагийг эзэлсэн үндэсний бөхийн аваргад бурхан хүү заяагаагүй ч тэр охидоороо үргэлж бахархдаг. Бөхийн удам эхээс улбаатай байдаг гэдэг утгаараа аваргын охинтой гэрлэж ирээдүйн хүчтэнг төрүүлэх шунал хүсэлтэн олон байх.
Тэгвэл эрхэм аваргыг эд мандаж явахад төрсөн нууц хүү байдаг гэх юм билээ. Аав шигээ арал, чацтай, хальт харвал өвчсөн мэт ижилхэн гэнэ. Тэрээр энэ хүүгээ ихээхэн нууцалдаг бөгөөд гэр бүлийнхэн ч хэдийнээ хүлээн зөвшөөрсөн аж.
Түүний ганц хүүг Санчир гэдэг аж. Тэрээр эгэл даруухан залуу байдаг ажээ.
Жүжигчин Т.Бархүү
Насны зөрүүтэй амрагуудын дундаас хамгийн алдартай нь алаг нүдэн Одноогийн сонголт байсан.
Өөрөөсөө 14 насаар дүү үе мултарсан царайлаг, нуруулаг залууг сонгосон нь жинхэнэ скандал байсан билээ. Х-ТҮЦ гэх том айлыг нуруун дээрээ үүрч, дээрээс нь дэлгэцийн урлагт хүч үзээд буй алаг нүдэн гавьяат маань энгийн нэгэн жүжигчин залуугийн мөрөөдлийн гүүр нь болж 40 гарсан хэрнээ хөөрхөн охин тэврүүлсэн билээ.
Жүжигчин Т.Бархүүгийн хувьд өмнө нь бүжигчин бүсгүйтэй амьдарч байсан бөгөөд дундаасаа нэг охинтой.
Яриа хөөрөө, царай зүс, нуруу туруугаараа хэний ч дор орохгүй жүжигчин Т.Бархүү ч гавьяатын хайр хүндэтгэлийг хүлээж итгэлийг алдахгүйгээр эр нөхрийн үүргийг сайтар биелүүлж яваа адтай залуу.
