“Байтаг богд”, “Маш нууц”, “Зүрхэнд шивнэсэн үг” зэрэг уран сайхны киноны Ерөнхий найруулагч, Монгол Улсын Гавьяат жүжигчин Осорын Бат-Өлзийг танихгүй хүн ховор.
“Гарын таван хуруу”, “Нандин эрдэнэ” зэрэг кинонд тоглож, залуу насаа дэлгэцийн уран бүтээлд мөнхөлсөн ард түмний хайртай жүжигчин тэрээр сүүлийн жилүүдэд найруулагчаар ажиллах болсон.
Түүний хувьд БНМАУ-ын гавьяат жүжигчин У.Осор агсны хүү юм. Урлагийг үеийн үед түүчээлж яваа тэрээр цэргээс халагдсныхаа дараа урлагтай зам мөрөө холбосон. 
Түүний үеийн уран бүтээлчдийг дурьдвал, Ц.Төмөрбаатар, Л.Нямсүрэн, Н.Зориг, Б.Туяа, Б.Батзаяа, Ц.Цолмон, Ж.Сүххуяг, Г.Дашхүү, Л.Жанчивдорж гээд шижигнэсэн залуус байжээ.
