Нэгэн эцэг эхийн хайраас “ургаж” зулай зулайгаа гишгиж төрсөн эгч дүүс хоорондоо адилхан төрх, зан чанартай байх нь энүүхэнд.
Харин олны танил хүмүүсээс хэн хэн эгч дүүстэйгээ ихэр мэт ижилхэн төрхтэйг онцолж байна.
Жүжигчин Б.Мишээл ба түүний эгч дүүс
Кино дэлгэцийн уран бүтээлд шинэ өнгө нэмэн яваа жүжигчин Б.Мишээл. Харин жүжигчин бүсгүй урлагийн амьдрал руу өөрийн төрсөн дүү болох Б.Үжин, эгч Б.Дөлгөөн нарыг уруу татахаар шийдсэн бололтой. 
Учир юу гэвээс, жүжигчин Б.Мишээл эгч дүүтэйгээ хамтран хэд хэдэн реклам, зар сурталчилгаанд тоглоод амжсан нь ийнхүү хардах шалтгаан өгчээ.
Нэвтрүүлэгч Ч.Ундралын овсгоотой дүү нар
Жүжигчин, хөтлөгч, продюсер Ч.Ундралыг УИХ-ын гишүүн П.Анужин 2016 онд “Чи Баянхошуунд өссөн авгай биз дээ, нөхрөөсөө салаад Баянхошуу яваа биз дээ, Баатар чамайг муулдаг” гэж тас загнаж байлаа. Юутай ч Ч.Ундрал болон түүний дүү нар хөдөлмөрөөрөө олны танил болсон. Ч.Ундрал “Херо”-гийн Баатартай 10 шахам жил амьдраад салса н.
Одоо “ХИТ”-ийн Давааням агсны хүү Д.Даваадоржтой амьдардаг. Ч.Ундрал нөхрөөсөө 11 насаар эгч ч насны зөрүү огт мэдэгддэггүй, биеэ сайхан авч явдаг бүсгүй. Ч.Ундралын дүү охин Ч.Энхбилэг Хятадад дизайнер мэргэжлээр сурч төгссөн. Одоо “Чой Хайнзан” хуримын хувцасны салон ажиллуулж байна.
Ч.Ундралын дүү Энхбилэгийг МУГЖ Т. Ариунаагийн “Оюутан нас” дууны клипэнд тоглосноор залуус андахгүй. Мөн “Харанга” хамтлаг тэргүүтэй хамтлаг дуучдын клипэнд тоглож байсан юм. Ч.Ундралын эрэгтэй дүү нь мөн л “Чой Хайнзан” нэртэй технологийн компанитай. Ч.Ундралын дүү нар эцэг өвгөдийнхөө нэрээр бүтээгдэхүүн үүсгэн ажиллаж явна. 
Ч.Ундралын дүү Ч.Цогтбаяр UBS, Рояал телевизэд хөтлөгч байсан Заяатай гэрлэсэн. Заяаг “Номинталст” хамтлагийн клипэнд тоглосныг хүмүүс санаж буй.
Дуучин Х.Мөнгөнцэцэгийн өнгө ижил дүү
Эмч мэргэжилтэй энэ бүсгүй эгчийнхээ талаарх бүх сөрөг мэдээлэлд хүчтэй хариу барьж, хэл ам хийдэг. 
Гадаад төрхөөрөө дуучин Х.Мөнгөнцэцэгтэй усны дусал мэт адилхан түүнийг андуурах хүн ч олон. Х.Мөнхцацралын хувьд өдгөө 27 настай, эмч мэргэжлээрээ ажилдаг.
Андуурам адилхан “Ану”-гынхан
Тэд бол эгч дүү гурван Ану гэж болно. Эндүүрэм адилхан эгч дүү гурвыг хаанаас нь гарсан нэг хэвээр цутгасан барби шиг харагдах юм хэмээн олон нийт тодорхойлсон.
О.Цэнгэлийн зүс ижил дүү
“Сайн уу амьдрал минь 1,2”, “Боолын гэрээ”, “Хамтран амьдрагч”, “Эр хүн болгож өгөөч” зэрэг уран сайхны киноны дүрээрээ үзэгчдэд хэдийнээ танил болсон сэтгүүлч О.Цэнгэлийг танихгүй хүн ховор.
Өдгөө хоёр хүүхдийн ээж болсон тэрээр дүүтэйгээ тун адилхан. Өөрийн цахим хуудсаараа блог хөтөлдөг түүний дүүгийн зургийг сонирхуулж байна.
Жерригийн “жижигхэн” дүү
Эмоци продакшний жүжигчин Жерри буюу Бадамжавыг танихгүй хүн ховор. Анх “Рекет” киноны бондгор охины дүр бүтээж явсан тэрээр өдгөө олны танил залуу уран бүтээлчдийн нэг болсон. 
Эхээс гурвуулаа тэрээр айлын дундах охин. Өөрийнх нь бага дүү нь насаар бага ч “жижигхэн” Жерригээс том биетэй.
Баримлан биет Г.Чинсанаагийн хөөрхөн гэргий ба хадам дүү
“Баримлан биет” гэдгээрээ олонд танигдсан загвар өмсөгч Г.Чинсанаа нэгэн цагт гарч буй кино, клип болгонд тоглож охидыг байлдан дагуулж байсан.
Харин тэрээр Б.Хулан гэгч даруухан бүсгүйг ханиараа сонгож хөөрхөн хүүтэй болсон.
Б.Хулан бүсгүйг “Ододтой бүжиглэе” шоуны оролцогч бүжигчин Б.Халиуны эгч гэдгийг хүмүүс тэр бүр мэддэггүй.
Тэднийг сайн харвал хоорондоо маш адилхан төрхтэйгөөс гадна, нуруулаг бүсгүйчүүд.
Б.Хулангийн хувьд “Turbofit” өөх шатаах хөтөлбөрийн санаачлагч, фитнессийн багш, дасгалжуулагч гэдгээр нь хүмүүс мэднэ.
