Гавьяат тамирчин Э.Содномпэлжээ эмнэлэгт автомат ор хандивлав

Биеийн тамир, спортын улсын хорооны харьяа, Спортын анагаах ухаан, эрдэм шинжилгээний төвд өнгөрсөн баасан гаригт /06.03/ спортын эмчилгээний зориулалттай 2 ор хандивлах ёслол болов.
Япон улсад үйлдвэрлэсэн уг орыг өдрийн эмчилгээний бүрэн автомат тоног төхөөрөмжтэй юм байна. Автомат 2 орыг паралимпын наадмын алт, хүрэл медальт, ДАШТ-ий 3 удаагийн аварга, хошой мөнгөн медальт, дэлхийн дээд амжилтыг эзэмшигч, Хөдөлмөрийн баатар, гавьяат тамирчин Энхбаярын Содномпилжээ Спортын анагаах ухаан, эрдэм шинжилгээний төвийн дарга Б.Эрдэнэваанчигт гардуулан өглөө.
Тус орыг хандивлах үйлсэд Э.Содномпилжээ болон Хөдөлмөрийн баатар, гавьяат тамирчин Д.Сумъяа, С.Батцэцэг, М.Уранцэцэг нар хамтран оролцож байгаа аж. “Парис-2024” зуны олимпын наадмын өмнө энэхүү эмчилгээний зориулалт бүхий тоног төхөөрөмжтэй 2 ор шигшээ багийн тамирчдад ашиг тусаа өгсөн зүй ёсны дэмжлэг болж байна.