Өнгөрсөн жилийн намар Ардын жүжигчин цол хүртсэн “Чингисхаан” хамтлагийн дуучин, “буржгар” Д.Жаргалсайханыг танихгүй хүн ховор. Өдгөө 60 насны босго хол алхсан түүнийг бид папараци дурандаа буулгалаа.
Түүний хувьд дуулж хуурдахаас гадна алтны уурхайн бизнестэй шаггүй баян эр гэдгийг урлагийнхан ярьдаг. Хэзээнээс буржгар үс, кобой малгай, жинсэн өмдийг өөрийн стиль болгосон тэрбээр үеийнхнээсээ залуу харагддаг.
Түүний гуншинг дурьдвал Монголын дуулаачдын холбооны ерөнхийлөгч, яруу найрагч, хөгжмийн зохиолч гэх мэт. Учир нь тэрбээр олонх дууныхаа шүлэг, хөгжмийг өөрөө бичиж найруулан дуулдаг.
“Чингис хаан” хамтлагийн “Чингисийн баатрууд” “Бодлын дуу” “Бороон” “Хонгор минь” “Сэтгэлийн үг” “Харийн нутаг” “Би ямар” “Мөрөөдсөөр байх болно” “Зүрх хайсаар” “Чамаас өөр” “Аяа анд минь чи хаалгыг минь тогшооч” “Ээждээ яарсан “ “Мэнгэ төөрсөн амраг” “Хань минь” “Нууцхан хайр” “Шувууд нутаг буцаагүй” “Тамирчны алдар” гэх зэрэг сэтгэлд хоногшсон олон сайхан дуунууд бий. Эдгээр дуунууд хүнд ухаарал хайрлаж, амьдралын ямар нэгэн утга учирыг өгүүлдэг.
