Жүжигчин Г.Даваазулын содон имидж

Сүүлийн хэдэн жил кино урлагт “Этик” продакшн монгол залуусын үндэсний үзэл, өв уламжлалаа хамгаалсан сэдэвтэй киногоороо тэсрэлт хийх болсон. Тухайлбал, “Хүний цаана”, “Хэлгүй жим”, “Цуурхал”, “Амур”, “Үнэн хайр”, “Мардай” зэрэг кино нь үзэгчдийн талархалыг хүртээд буй. Тэгвэл тус продакшний жүжигчин, найруулагч, кино зохиолч Г.Даваазулын хамгийн сүүлийн үеийн имиджийг манай папараци дуран онцолж байна.
Тэрбээр саяхан нээлтээ хийсэн нэгэн уран бүтээлийн үеэр шанаандаа эрвээхэй шивүүлж, зүүн чихэндээ загалмай зүүсэн нь олны анхаарлыг татаж байлаа.
“Этик”-тэй уран бүтээлч гэгддэг түүний аав 1990-ээд онд найруулагчаар ажиллаж байсан гэдэг. Энэ тухайгаа тэрбээр “Манай аав 1990 оны үед кино найруулагч хийж байсан юм. Аавын нөлөөгөөр ч гэдэг юм уу нэгдүгээр ангид орохдоо л жүжигчин болно гэж мөрөөддөг, мэргэжлээ сонгочихсон байсан. Миний судсаар урлагийн цус гүйж байгаа. Багаасаа урлагийн үзлэг, наадам, цэнгүүнд оролцсоор өдийг хүрсэн. Кино зохиол бичиж найруулахад гадна дотнын ном зохиол их уншдагтай минь холбоотой байх” хэмээн ярьж байсан түүхтэй.