Дуучин Б.Дуулим өөрийн цахим хуудсаар дамжуулан өнөөдрөөс эхлэн согтууруулах ундаанаас бүрэн татгалзаж, эрүүл амьдралын хэв маягийг сонгож байгаагаа мэдэгджээ.
Тэрбээр ирээдүйд эрүүл ээж болж, хайртай хүмүүстэйгээ урт удаан хамт байхыг хүсэж буйгаа илэрхийлээд, дүү нар, үеийнхэн, ах эгч нартаа зөв үлгэр дуурайлал болохын төлөө хичээнэ хэмээн онцолсон байна.
Мөн өнгөрсөн хугацаанд гаргасан алдаа бүхэндээ уучлал хүсэж, цаашид хараалын үг хэрэглэхгүй, ёс бус үйлдэл гаргахгүй байхыг зорихоо илэрхийлжээ. Үргэлж алдаанаасаа суралцаж, өөрийг нь хайрлаж дэмждэг бүх хүнд талархаж буйгаа ч дурдсан байна.
Түүнчлэн хоолойгоо хайрлан, илүү сайхан уран бүтээлээрээ сонсогчидтойгоо уулзахаа амлаж, “Бүгд анх удаа амьдарч байгаа шүү дээ. Бие биедээ хайртай байгаарай” хэмээн уриалжээ.
Тэрээр төгсгөлд нь ах, эгч, үеийн найзуудаа ч мөн согтууруулах ундаанаас татгалзахыг уриалсан байна.
