УИХ-ын гишүүн С.Ганбаатар “Нүүрсний хулгайчдын нэрлэнэ” хэмээн сүржин хэвлэлийн хурал зарлаж, гал намдаах үйлдэл гаргав.
Тэрбээр хэвлэлийн хурлын үеэр өдгөө монголын хамгийн нөлөө бүхий бизнес эрхлэгчдийг нэрлээд, тэднийг арын өрөөндөө авилгалдаж, прокурор шүүхийг “хуралдуулдаг” хэмээн мэдэгдэв.
Түүний мэдэгдэлд “Голомт”-ын Баясгалан, MCS-ын Оджаргал, “АПУ”-гийн П.Батсайхан, Нийслэлийн Ерөнхий прокурор Ц.Ариунболд нарын нэр дурьдагдсан.
Энэ цагийн “мөнгөний уурхай”-н эзэд гэдэгдэх тэдний ард чухам хэн гэгч нөлөө бүхий эрхмүүд “хөшигний цаана” үлдэж буйг тэрбээр огт дурьдсангүй.
Үнэндээ, С.Ганбаатар гишүүнтэй тохой залган суудаг А.Адъяасүрэн гишүүн, “Ажнай” Бат-Эрдэнэ, урагшаа нүүрс тээврийн компанитай гэгддэг хотын дарга Д.Сумъяабазар, нүүрсний асуудалд нэр нь цухуйдаг экс Ерөнхийлөгч Х.Баттулга нарын талаарх үгс эрхэм гишүүний амнаас ганхийж гарсангүй.
Мөнгөтэй байлаа гээд эрх мэдэлтэн үгүй бол энэ нүүрсний хулгайн хэрэг гарсан ч, өдий болтол хол явах уу гэдэг нь бас сонирхолтой.
Эрхэм гишүүн С.Ганбаатар хөшигний цаана “наадах” том тоглогчидоо хаацайлж, иргэдэд ил тод байдгаар нь бизнес эрхлэгчдээ гүжирдэж, гүтгэв үү гэх хардлага иргэд олны дунд төрөөд байна. Учир нь эрхэм гишүүн дээрх эрхмүүдийг “нүүрсний хулгайч” гэх баримт сэлтийг олны өмнө огт дэлгэсэнгүй.
Харин “ангийн найз” А.Адъяасүрэн гишүүн нь 2020 оны сонгуулийн өмнө Гашуунсухайт-Ганц мод чиглэлд нүүрс тээврийн зөвшөөрөл авахын тулд Авто тээврийн үндэсний газрын нэр бүхий албан тушаалтанд их хэмжээний авлига өгсөн гэх мэдээлэл байдаг.
“Ажнай” группийн эзэн, УИХ-ын гишүүн асан Д.Бат-Эрдэнийн өмчлөлийн “Тавантолгой” компани Тавантолгойн ордын мөргөцгийн нүүрсийг хулгайлдаг байсан тухай УИХ-ын гишүүн Л.Энхболд удаа дараа мэдэгдэж байсан билээ. Үүнтэй холбоотой “Тавантолгой” компани ч хариу мэдэгдэл хийж байв. Тэгвэл уг асуудал үндсэндээ шийдэгдэж, “Тавантолгой” компани төрийн өмчит “Эрдэнэс Тавантолгой”-н газраас нүүрс хулгайлдаг байсан нь тогтоогдож байв.
Хотын дарга Д.Сумъяабазарыг Цагаанхад, Гашуунсухайт зэрэг чиглэлд нүүрс тээвэрлэдэг “нууц” компанитай гэх мэдээлэл бий. Үнэн худлыг цаг хугацаа харуулах биз.
Экс Ерөнхийлөгч Х.Баттулгын хувьд сүүлийн 10-аад жил нүүрсний тойрсон асуудалд нэр нь явсаар байгаа билээ.
