Сар шинийн баярын энэ өдүүдэд олны танил эрхмүүд өөрсдийн баяр, гуниг, дурсамжаа цахим хуудаснаа хуваалцаж эхэлжээ. Тухайлбал, боксчин Н.Төгсцогтын анхны эхнэр, дуучин Укагийн дүү Д.Уранзаяа “ Жилийн жилд очих айл маань багасаад байх юм.
Аав ээж, эмээ өвөө, настнууддаа хол байсан ч очиж золгож байгаарай. Хааяа аавыгаа байхгүй болсныг мартчих юм. Өөрийн мэдэлгүй аав ээжтэйгээ золгоно, золголтын мөнгө төгрөг гэсэн явж байх юм. Хааяа голоо харалтал, цээжээ хорстол үгүйлэх юм, таныгаа. Шинийн 1-ний өглөө болгон таньдаа үнсүүлэх гэж яасан ч их жаргалтай байсан юм бэ, аав аа. Ааваа гэх энэ үгийг бичиж чадах мөртлөө хэлж чадахаа больсон байна. Хүмүүс аавтайгаа хажууд ярихаар хажууд нь байж чадахгүй, хурим найранд бүр явж чадахаа больсон байна лээ, аав аа. Сүйт бүсгүй аавтайгаа бүжиглэхээр булан тойроод асгарталаа уйлдаг болсон байна лээ. Ижий аавыгаа сайхан хүндэлж байгаарай” гэжээ.
