Хөгжлийн банкны гэх хэргийн гэм буруугийн шүүх хурал өнөөдөр товлосон цагаасаа нэг цагаар хоцорч 10:00 цагт эхэллээ. Шүүх хуралдаан ирцтэй холбоотой санал хүсэлтээр эхэлсэн бөгөөд оролцогчдын хүсэлтийг хэлэлцэхээр шүүх хуралдаан завсарласан юм.
Шүүхээс хэргийн оролцогчдын хүсэлтийг хүлээн авч гэм буруугийн шүүх хурлыг хойшлуулахаар боллоо. Учир нь 80 шүүгдэгчийн 2 шүүгдэгч гадаадад байгаа, зарим хэргийн оролцогч шинээр өмгөөлөгч авч, хэрэгтэй танилцах хэрэгтэй байна гэсэн хүсэлт гаргасан тул шүүх хурлыг хойшуулах хүсэлт гаргасан тул ийнхүү хойшилж байна.
Яллагдагчаар татагдсан 80 хүний 32-д нь хувийн таслан сэргийлэх арга хэмжээ авагдсан байгаа. Улмаар тэдэнд хилээр гарах эрхийг хязгаарласан юм. Тиймээс хэргийг шүүхээр шийдэгдэх хүртэл яллагдагчаар татагдсан таслан сэргийлэх арга хэмжээ авагдсан хүмүүсийг хилээр гарахыг хориглов.
Шүүх хуралд яллагдагчаар татагдсан УИХ-ын гишүүдээс Г.Амартүвшин, Н.Алтанхуяг нар ирсэн бол Хассуурийн Ганхуяг , Ё.Баатарбилэг гишүүн нар ирээгүй байна.
Хаалттай шүүх хуралдааныг нээлттэй явуулах саналыг УИХ-ын гишүүн Н.Алтанхуяг гаргаад байгаа аж.
Шүүх хуралдааны эхлэл төгсгөл хэсгийг хэвлэлд нээлттэй явуулахаар шүүхээс зохион байгуулсан юм. Харин хамгаалалт авсан цагдаагийн байгууллага хэвлэлийг зураг авах бол зөвхөн гадаа ав гэх шаарлага тавьж байна.
Хойшилсон шүүх хурлыг товыг гаргахдаа хэргийн оролцогчид болон, өмгөөлөгчдийн саналыг авсан. Өмгөөлөгч нараас 497 хавтаст хэрэгтэй танилцах унших тул хугацааг тавиу, гэхдээ наадмаас өмнө хийх санал гаргасан.
Улмаар шүүх хурлыг 2023 оны 04-р сарын 17-ны өдөр 08:30 цагт хийхээр боллоо. Өөрөөр хэлбэл шүүх хуралдааныг 45 хоног хойшлуулав.
Бид уг хэрэг болон шүүх хурлын талаар эргэж мэдээлэх болно.
А.Баярмаа
