Төрийн ордон дотор БНСУ-ын сүлжээ хүнсний дэлгүүр болох GS25 дэлгүүрийг оруулжээ.
Бүхэл бүтэн улс үндэстэний Төрийн эрхийг барьдаг, хууль боловсруулан батладг газар гадаадын сүлжээ бизнесийг ийнхүү оруулж, санхүүгийн дэмжлэг үзүүлж буйд иргэд таатай бус хандаж байна.
Төрийн халдашгүй дархан байдал, үнэ цэнэ, үндэсний гэх ёс суртахууныг уландаа гишгэж, үндэсний үйлдвэрлэгчдээ доош хийсэн үйлдэл хэмээн учир мэдэх хүмүүс өгүүлж байна.
GS25-ийн хувьд БНСУ-д томоохонд тооцогдох “GS group”-ийн жижиглэн худалдаа, гоо сайхан, гэр ахуйн барааны үйлдвэрлэлийн салбар компани юм. Тус компанийг MSM групп монголд оруулж ирэн, үйл ажиллагааг амжилттай авч яваа юм.
Гэвч БНСУ-ын гэх тодотгол тус сүлжээ дэлгүүрээс салахгүй. Иймд иргэдийн зүгээс “тархигүй байж болно, сэтгэлтэй байгаач” хэмээн Төрийн ордны дотор үйл ажиллагаагаа явуулахыг зөвшөөрсөн эрх мэдэлтнүүд, дарга нарт бухимдлаа илэрхийлсээр байна.
