3х3: Монгол Улсын эрэгтэй шигшээ баг хоёр дахь удаагаа Ази тивд аваргаллаа.
Монгол Улсын эрэгтэй шигшээ баг Азийн аварга шалгаруулах тэмцээний “А” хэсгийг тэргүүлж өчигдөр супер наймд шалгарсан. 
Тэгвэл өнөөдөр тэд хасагдах шатны тоглолтоо Казакстаны багтай хийж 10 онооны зөрүүгээр илүүрхэж тэмцээний шилдэг дөрөвт шалгарч үлдээд байсан билээ.
Харин дараагийн шатанд буюу хагас шигшээд Шинэ Зеландын багтай учраа таарч 19:18-ийн харьцаатайгаар ялалт байгуулснаар дөрөв дэх удаагаа аваргын төлаа шалгарч үлдсэн юм.
Тэд дөнгөж сая Азийн аваргын тэмцээний гурван удаагийн аварга Австралийн багтай алтан медалийн төлөөх тоглолтоо хийж 21:18-ийн харьцаатайгаар ялалт байгууллаа. Ингэснээр манай баг Азид хоёр дахь удаагаа аваргалж байна.
