Улс төрийн ертөнцөд бага залуугаасаа чимээ нь сонсогдсоны эцэст парламентийн гишүүн болсон хүн бол Н.Энхбаярын том хүү Э.Батшугар. Тэгвэл түүний хоёр дахь эхнэр гэгддэг Янжиндулам өөрийн цахим хуудаснаа цэцгийн бизнес эрхэлдэг бүсгүйчүүдийг хоорондоо эвтэй байхыг уриалжээ. 
Түүний хувьд Adore гэх цэцгийн дэлгүүрийг ажлуулаад таван оныг удаж буй.
Харин өнгөрсөн хэдэн өдрүүдэд “Lumi” цэцгийн дэлгүүрийн эзэн Д.Анарчулуун “Madam” цэцгийн дэлгүүрийн эзэн Ж.Хулангоо руу удаа дараа үг шидсэн нь эрхэм гишүүний энхрий гэргийн анхаарлыг татсан бололтой.
Янжиндулам бүсгүй өөрийн цахим хуудаснаа “Монголд олон цэцгийн дэлгүүр шинээр нээгдэж байгаад хувьдаа баяртай байдаг. Олон ч хүнд өөрийнхөө сурсан мэдснээ хуваалдаг. Цаашид ч хуваалцана. Цэцгийн соёлыг түгээж, үнэ цэнийг нь өөрсдийн онцлогоороо үйлчлүүлэгчдээ мэдрүүлж байгаа та бүхэндээ талархаж байна. Хоорондоо өрсөлдөж, бие биенийхээ мууг үзэх биш бусдын хөдөлмөрийг үнэлж бизнесийн ёсзүйтэй, соёлтой байх нь чухал. Тэртээ тэргүй үйлчлүүлэгчид өөрсдийн мэдрэмж, соёлоороо сонголтоо хийнэ” гэжээ.
Сонирхуулахад, Янжиндулам бүсгүй багаасаа тулааны спортоор хичээллэж, БНСУ-д урлагийн мэргэжлээр суралцаж дүүргэсэн “шинэ цагийн баян” эмэгтэй. Тэрбээр хэд хэдэн уран бүтээлд туслах дүр бүтээсэн болоод өөрийн брэндийн дэлгүүрийг Зайсанд ажлуулж эхлэн урлагаас хөндийрсөн.
