С.Ононбат, Нансалмаа хоёр гэр бүл хувийн амьдралaa тэр бүр олон нийтэд дэлгээд байдаггүй. Хосууд хоорондоо нэг насны зөрүүтэй.
Тэгвэл Т.Нансалмаа сэтгэлийн үгээ ханьдаа зориулж сошиал хуудаснаа бичжээ. “Бургас шиг байхаасаа хэлхэлдэж, 108 эрхи тоолох мэт энэ насны хамаг өдрүүдээ “Болноо, болгоноо, бүтээнээ, чаднаа, тийм ээ миний хайртаа, чи минь мундаг шүү…” гэсэн үгсээр хэлхэж амны билгээрээ амьдарч байна даа. Үгийн гал амь гэж байдаг юм, амны билэг гэж хүчтэй эрчим хүч, хайр ба итгэл бол дотор орших хүч, тасралтгүй хамт хөдөлмөрлөх нь эрчилсэн нум сум, гэр бүл гэдэг бол бүх юм. Иймэрхүү байр сууринд хүрэх гэж бид хоёр маш олон хоног өдрүүдээр амаа цангатал ярилцаагүй. Зүгээр л итгэсэн, нэг зүг харсан. Эр нь эр шиг, эм нь эм шиг, газар тэнгэр мэт, уул ус мэт, хуурын хоёр чавхдас мэт явсаар ирж. Хоёр нарийхан бургас өнөөдөр нарсан ой мэт өнөр өтгөн айл гэр болж Ононбат харин Энхамгалан хаан мэт үр ачаа эрхлүүлэн бантангийн гурилыг нь аз жаргалтайгаар алгадаж өгсөөр. Гэр бүл бүх юм. Гэр бүл бол эх орон. Энэ итгэл үнэмшил яс махаар нь удамшиж эд эс, тархи зүрх элгэнд нь бичигдсэн миний хайртын удам тасралтгүй энэ л үзэл хайраар үргэлжлэх болтугай. Мөнх хөх тэнгэрийн ивээлд их Моногул улсын иргүн хажир Ононбатын удам угсаа сайнтай учирч саадыг эрхшээн улсаа бадрааж эцгээ бахархуулан баярлуулах болтугай. Цэнхэр гарагт мэндэлж дуурсах нэрээ мандуулж байгаа хань чамдаа тал бие минь болж ууссанд баярлалаa” гэжээ.
